Search form

SOERA ZINOENÕ 130

Sinoenõ 130.

Fangandrõ soroi siʼaikõ ba dõdõ, ba fanõtõna fangefa horõ.

Sinoenõ ba weʼamõi misi jaw̃a.

1Moroi ba gohokoho oeʼangarõfi li ndraʼoegõ, Jehowa! (Sin. 69, 3).

2He Soʼaja, fondrondrongo ligoe andre! Beʼe mbõrõ dalingaoe ba li wangandrõgoe!

3Na õtanõ ba dõdõoe enaʼõ horõ andrõ, jaʼoegõ Jehowa, ba ha niha zi tola, jaʼoegõ Soʼaja? (Sin. 19, 13).

4Ba no so ba chõoe wangefa horõ, enaʼõ laʼataʼoefi ndraʼoegõ. (Jes. 55, 7. Rom. 6, 1. 2).

5Oedõnadõna chõ Jehowa, ibazebazeʼõ tõdõgoe, ba oedõnadõna loealoea linia andrõ.

6Ibazebazeʼõ Zoʼaja tõdõgoe, moroi ba wombaseʼõ zanaro andrõ faʼamoloeo; jaʼia, moroi ba wombaseʼõ zanaro andrõ faʼamoloeo,

7Midõnadõna chõ Jehowa, jaʼami Iraono Gizeraëli; chõ Jehowa sa so waʼahachõ dõdõ, ba fangorifi andrõ, ba no fahõna chõnia.

8Ba jaʼia zameta ba Ndraono Gizeraëli lalõra fefoe. (Mat. 1, 21).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index