Search form

SOERA ZINOENÕ 132

Sinoenõ 132.

I. Faʼomasi Dawido, wangotomosi osali chõ Lowalangi. II. Amaboeʼoela li Lowalangi chõ Dawido.

(Faigi gõi Zam. II. 7.)

Sinoenõ ba weʼamõi misi jaw̃a.

1I. Tõrõ tõdõoe, jaʼoegõ Jehowa, chõ Dawido andrõ, fefoe wamakao andrõ, si no gõna ia!

2Si no fahõloe chõ Jehowa, si no mamaboeʼoe linia ba zabõlõ andrõ chõ Jakobo, wangoemaʼõ:

3”Lõ mõido jomo ba nomogoe ose andrõ ba lõ mõido mõrõ ba gasogoe andrõ;

4lõ oetehe ba hõrõgoe wemõrõ, ba lõ oetehe ba goeli hõrõgoe waʼalaoe:

5Balazi no oesõndra naha chõ Jehowa, omo chõ zabõlõ andrõ chõ Jakobo.” (Hal. zin. 7, 46).

6Hiza, no tarongo ba Geferata so ia; ba ndraso andrõ ba Jaʼari tasõndra ia. (Sam. I. 7, 1. Sam. II. 6, 3).

7Damõi ita ba nahiania andrõ, ba wangaloeloe fõna mbakoebakoe gahenia andrõ.

8Faoso, Jehowa, saw̃a zolombase ndraʼoegõ, jaʼoegõ andrõ, awõ dawõla waʼasalaw̃amõ andrõ! (Moz. IV. 10, 35. Ngaʼõt. II. 6, 41. 42).

9Ndramoeʼobaroe waʼatoelõ ere andrõ chõoe, ba ndramaʼiki zatoelõ tõdõ andrõ chõmõ.

10Bõi timba mbawa nibajoinimõ andrõ, bõrõ genonioe Dawido andrõ!

11II. No fahõloe Jehowa chõ Dawido, si ndroehoendroehoe, si lõ iwoeʼai, no imane: ”Maʼoewoemõ oefedadao ba dadaomamõ andrõ.” (Sin. 89, 4).

12Na lõ labõhõli iraonooe wawoeʼoesa li andrõ chõgoe ba famadoehoeʼõgoe, ba nifahaõgoe jaʼira, ba doemadao gõi dania nonora ba dadaomamõ andrõ, si lõ mamalõmalõ.

13Noa sa itoejoe Ziona andrõ Jehowa ba omasi ia ba daʼõ sosó ia. (Sin. 68, 17; 76, 3).

14Daʼe golombasew̃a chõgoe, si lõ mamalõmalõ, ba daʼe sosó ndraʼo, me no omasido ia.

15Oefahowoeʼõ sibai mbalazora, aboeso fache zi noemana chõra oebeʼe.

16Oefobaroe fangorifi gere chõra, ba omoeso dõdõ zatoelõ tõdõ andrõ chõra ba maʼiki, oebeʼe.

17Ba daʼõ oebeʼe waʼabõlõ chõ Dawido ba oefazõchi wandroe chõ nibajoinigoe andrõ. (Loek. 1, 69. Sin. 89, 25).

18Si faʼoedoe chõnia andrõ, ba oefobaroe faʼaila; ba ba hõgõnia, ba saemboenia si takile.”

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index