Search form

SOERA ZINOENÕ 136

Sinoenõ 136.

I. Fanoeno faʼasõchi dõdõ Lowalangi, samazõchi banoea si jaw̃a, awõ danõ. II. Lowalangi sondrorogõ Iraono Gizeraëli.

1I. Miʼandrõ saoha gõlõ chõ Jehowa, me si sõchi tõdõ ia; me no si lõ aetoe waʼeboea dõdõnia andrõ! (Sin. 106, 1).

2Miʼandrõ saoha gõlõ chõ Lowalangi Lowalangi andrõ, me no si lõ aetoe waʼeboea dõdõnia andrõ!

3Miʼandrõ saoha gõlõ chõ Zoʼaja sochõ andrõ, me no si lõ aetoe waʼeboea dõdõnia andrõ!

4Solaoe sahõlihõli dõdõ, seboea, ha jaʼia, me no si lõ aetoe waʼeboea dõdõnia andrõ!

5Samazõchi banoea andrõ, si jaw̃a, faʼatoeatoeania; me no si lõ aetoe waʼeboea dõdõnia andrõ!

6Samologõ tanõ andre, jaw̃a nasi, me no si lõ aetoe waʼeboea dõdõnia andrõ!

7Samazõchi sihaga andrõ, seboea andrõ me no si lõ aetoe waʼeboea dõdõnia andrõ! (Moz. I. 1, 14—18).

8Loeo andrõ, samatõrõ si maʼṍchõ, me no si lõ aetoe waʼeboea dõdõnia andrõ!

9Ba baw̃a, awõ ndrõfi, samatõrõ si bongi, me no si lõ aetoe waʼeboea dõdõnia andrõ!

10II. Samoenoe si aʼa ba waʼatoemboe andrõ, ba danõ Miseraji, me no si lõ aetoe waʼeboea dõdõnia andrõ! (Sin. 78, 51; 135, 8—12).

11Ba sangeheta Iraono Gizeraëli ba chõra, me no si lõ aetoe waʼeboea dõdõnia andrõ!

12Tangania sabõlõ andrõ ba taʼionia si no moefadõlõ, me no si lõ aetoe waʼeboea dõdõnia andrõ!

13Sanaba taloe nasi zoechoe andrõ, me no si lõ aetoe waʼeboea dõdõnia andrõ!

14Samolala Iraono Gizeraëli ba chõnia, me no si lõ aetoe waʼeboea dõdõnia andrõ!

15Si hanigõ ba nasi zoechoe andrõ Faraʼo, awõ zabõlõ andrõ chõnia, me no si lõ aetoe waʼeboea dõdõnia andrõ!

16Solohe tanga mbanoeania andrõ, ba danõ si mate, me no si lõ aetoe waʼeboea dõdõnia andrõ!

17Sangalani salaw̃a seboea, me no si lõ aetoe waʼeboea dõdõnia andrõ!

18Samoenoe salaw̃a sabõlõ, me no si lõ aetoe waʼeboea dõdõnia andrõ!

19Sihona andrõ, razo Ndraono Gamori, me no si lõ aetoe waʼeboea dõdõnia andrõ!

20Ba Ogi, razo Mbazana andrõ, me no si lõ aetoe waʼeboea dõdõnia andrõ!

21Ba ibeʼe ochõta danõra andrõ, me no si lõ aetoe waʼeboea dõdõnia andrõ!

22Ochõta genoninia Iraono Gizeraëli andrõ, me no si lõ aetoe waʼeboea dõdõnia andrõ!

23Sanõrõ tõdõ jaʼita ba waʼanoemanada, me no si lõ aetoe waʼeboea dõdõnia andrõ!

24Ba sangefaʼõ jaʼita ba danga zamakao jaʼita, me no si lõ aetoe waʼeboea dõdõnia andrõ!

25Sameʼe gõ nõsi goeli danõ fefoe, me no si lõ aetoe waʼeboea dõdõnia andrõ! (Sin. 145, 15).

26Misoeno Lowalangi zoroego andrõ! Me no si lõ aetoe waʼeboea dõdõnia andrõ!

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index