Search form

SOERA ZINOENÕ 137

Sinoenõ 137.

Fangenoengenoe niʼoloiʼõ andrõ, ba Mbabeli.

1Ba mbewe nidanõ andrõ ba Mbabeli doemadao ndraʼaga ba megeʼegega, me itõrõ tõdõma Ziona.

2Ba ndraha mbooe andrõ, si so ba danõ, masaitagõ mbiola andrõ chõma.

3Laʼandrõ sa chõma wanoenõ sangoloiʼõ jaʼaga andrõ, ba omasi zamakao jaʼaga, na omoeso dõdõma; lamane: ”Milaoe chõma wanoenõ Ziona andrõ!”

4He mawisa malaoe zinoenõ andrõ chõ Jehowa, ba danõ zotanõ?

5Na olifoedo ndraʼoegõ, Jeroezalema, ba ja omboejoemboejoe dangagoe kambõlõ. (Jer. 51, 50).

6Ja falemba ba gararogoe lelagoe andre, na lõ itõrõ tõdõgoe ndraʼoegõ, na lõ oebeʼe fondrege waʼomoeso dõdõgoe Jeroezalema andrõ.

7He Jehowa, soelõni ba Ndraono Gedomo mbaw̃a Jeroezalema andrõ, ba ziʼao andrõ, wangoemaʼõ: ”Midoedoegõ, midoedoegõ ia, irege dojo gehomo chõnia!” (Sin. 79, 12. Obad. a. 10—15).

8He jaʼoegõ ono Mbabeli andrõ alawe, nidoedoegõ andrõ, ja ahowoe zanoelõni chõoe nilaoemõ chõma!

9Ja ahowoe zanoetoejoe ono sawoejoe chõoe, ba sorasa hõgõra ba gara! (Jes. 13, 16).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index