Search form

SOERA ZINOENÕ 138

Sinoenõ 138.

Fanoeno Jehowa, samondrongo fangandrõ andrõ.

Chõ Dawido.

1Mangandrõ saoha gõlõ ndraʼo chõoe, moroi siʼaikõ ba dõdõgoe, ba zanehe Lowalangi andrõ oesoeno ndraʼoegõ.

2Mangaloeloe ndraʼo ba gamaoedoe gosali andrõ chõoe, niʼamoniʼõ, ba oesoeno dõimõ andrõ, bõrõ waʼeboea dõdõoe ba fa lõ farõi ndraʼoegõ, me no õʼeboeaʼõ gamaboeʼoela limõ andrõ, irege italoeʼi dõimõ andrõ fefoe. (Sin. 26, 8).

3Me loeo moeʼao ndraʼo õfondrondrongo ligoe; no õʼabeʼeʼõ dõdõgoe, — no fahõna barõ dotogoe waʼabõlõ õbeʼe.

4Sangandrõ saoha gõlõ chõoe razo ba goeli danõ fefoe, na no larongo daroma limõ andrõ. (Jes. 2, 3).

5Ba lasoeno lala Jehowa andrõ, me no eboea lachõmi Jehowa.

6No salaw̃a Jehowa ba iʼila zi noemana, ba no aboto ba dõdõnia zeboea hocha, moroi ba zarõoe. (Sin. 113, 5).

7Na tefasoei ndraʼo waʼaboe dõdõ ba lalagoe andre, ba õʼorifi ndraʼodo, õʼoroʼõ dangaoe, fanimba wõnoe zi faʼoedoe chõgoe, ba itolodo kambõlõoe.

8Jehowa zangasiwai fefoe hadia ia chõgoe. He Jehowa, si lõ aetoe waʼeboea dõdõoe andrõ, bõi bõhõli nifazõchioe tangaoe! (Fil. 1, 6).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index