Search form

SOERA ZINOENÕ 140

Sinoenõ 140.

Fangandrõ fangefa ba zamakao.

1Chõ doeka wanoenõ andrõ. Sinoenõ; chõ Dawido.

2Efaʼõ ndraʼo, Jehowa, ba niha si lõ sõchi andrõ, timba chõgoe zamakao jaʼodo andrõ!

3Si no mamachai tõdõra si lõ sõchi, si erogõ maʼṍchõ mangandrõ fasõndrata.

4Laʼatarõsi lelara, timba lela goelõ, sõfoe goelõ no so ba mbewera. (Rom. 8, 13).

5Bõi loeloe ndraʼodo ba danga zeboea horõ, jaʼoegõ Jehowa, timba chõgoe zamakao jaʼo enaʼõ, sangaloei folaoegõ jaʼodo.

6No lalaoe wesoe chõgoe seboea hocha ba tandraw̃a, ba zi tobini, no lafadõlõ goeʼõ ba zinga lala; no lalaoe mbõlõdi.

7No oemane chõ Jehowa: Lowalangigoe ndraʼoegõ! Fondrondrongo, Jehowa, li wangandrõgoe! (Sin. 22, 11).

8He Jehowa, Soʼaja jaʼo, fangorifigoe sabõlõ, jaʼoegõ zameʼe baʼabaʼa hõgõgoe, na baw̃a wasõndrata.

9Bõi oʼõ zomasi zeboea horõ andrõ, jaʼoegõ Jehowa; enaʼõ lõ fachai nichoi dõdõra õbeʼe.

10Na maoso zamasoei jaʼodo andrõ, ba jamoehawoei ira salacha andrõ, ba mbewera. (Sin. 7, 17).

11Ja tehawoe ira ba galitõ; timba ira ba galitõ bacha ba ba gohokoho, si tebai mõi ira jaw̃a.

12Lõ fozoe ba danõ niha si so lela fanandraw̃a, ba samalangõgõ awõnia, ba igohi famakao, itoekotoeko.

13Oeʼila, wa iʼohe ba lala hoehoeo zeboea famakao Jehowa, awõ wa iʼohe ba zatoelõ hadia ia ba zi noemana.

14Ba lasoeno dania dõimõ satoelõ tõdõ andrõ, ba monahia fõnaoe zadõlõ tõdõ.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index