Search form

SOERA ZINOENÕ 141

Sinoenõ 141.

Fangandrõ, enaʼõ itimba zi lõ sõchi Lowalangi.

Sinoenõ; chõ Dawido.

1He Jehowa, moeʼaodo chõoe, taʼitaʼi ondrasido! Fondrondrongo ligoe, na oeʼangarõfi li ndraʼoegõ!

2Acha soemange nifanimbo wangandrõgoe andre, wamaigioe; ba famazaw̃agoe tangagoe andre, ba acha soemange niʼā, na tánõ owi. (Moz. II. 30, 7; 29, 39).

3Fataro zanaro bawagoe, jaʼoegõ Jehowa, ba faigifaigi mbawandroehõ mbewegoe andre. (Sin. 39, 2).

4Bõi tehe iholeʼõ ia tõdõgoe ba zi lõ sõchi, fa oefazõchi horõ, awõ niha solaoe si lõ atoelõ; ba enaʼõ na lõ oeʼā zami chõra andrõ. (Sin. 119, 36).

5Jamoebagodo niha satoelõ, faʼomasinia ndraʼodo, jamoetegoedo, ba fanicha mboegoe daʼõ, ba bõi aboea ba hõgõgoe; oelaoe mangandrõ na sa, famatimba zi lõ sõchi andrõ chõra. (Moz. III. 19, 17. Amaed. 27, 5. 6).

6Nilaoe si tooe ba zisindro gara ba hili zalaw̃ara; ba larongo daroma ligoe andrõ, omasiõ.

7Hoelõ na mamakoe niha, na lafahoefa danõ, si manõ wamazaewe tõlama andrõ ba zinga mbawa gõli mbanoea tooe.

8Ba jaʼoegõ saʼae oetõngõni, jaʼoegõ Jehowa, Soʼaja jaʼo, saw̃atõgoe ndraʼoegõ, bõi tiboʼõ nosogoe!

9Bõi loeloe ndraʼo ba wesoe andrõ, nilaoera chõgoe; ba ba mbõlõdi, nilaoe zamazõchi si lõ atoelõ andrõ.

10Hana na alaoe zeboea horõ andrõ fefoe, ba wesoe andrõ chõra, gasagasa wanõrõgoe. (Sin. 7, 16).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index