Search form

SOERA ZINOENÕ 142

Sinoenõ 142.

Fangandrõ fangorifi ba fanolo, soroi siʼaikõ ba dõdõ.

1Famahaõ; chõ Dawido, me so ia ba dõgi narõ hili andrõ. Fangandrõ. (Sam. I. 24, 4).

2Moeʼaodo chõ Jehowa, eboea ligoe; oekao chõnia, eboea ligoe.

3Oebokai chõnia zaboe dõdõgoe, safõchõ chõgoe oeʼombachaʼõ chõnia.

4Na no erege bacha dõdõgoe, ba jaʼoegõ zangila lalagoe andrõ. No lalaoe wesoe chõgoe, nibiniʼõ, ba lala andrõ nitõrõgoe. (Sin. 138, 7).

5Holeʼõ ba gambõlõ hõrõoe, ba faigi: samõsa lõ sangila jaʼodo; lõʼõ manõ saw̃atõgoe; samõsa lõ sanofoe jaʼodo.

6Moeʼaodo chõoe, jaʼoegõ Jehowa, oemane: Saw̃atõgoe ndraʼoegõ, oerachagoe ba danõ niha saoeri. (Sin. 27, 13).

7Fondrondrongo wangarõngarõgoe; noa sa erege sibai dõdõgoe; efaʼõ ndraʼo ba danga zolohi jaʼodo andrõ, me tebai oelaw̃a ira! (Sin. 7, 2).

8Heta ba goeroenga andrõ nosogoe, enaʼõ oesoeno dõimõ andrõ! Lafasoei dania ndraʼodo satoelõ tõdõ, na õfatõrõ chõgoe zi sõchi.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index