Search form

SOERA ZINOENÕ 143

Sinoenõ 143.

Fangandrõ fangefa ba zi fatioe tõdõ.

Sinoenõ; chõ Dawido.

1He Jehowa, fondrondrongo wangandrõgoe, beʼe mbõrõ dalingaoe ba wakaosagoe andre! Ba wa lõ farõi ndraʼoegõ fondrondrongo chõgoe, ba waʼatoelõmõ andrõ.

2Ba bõi ohe ba hoekoe genonimõ andre, lõʼõ sa satoelõ fõnaoe, niha saoeri. (Sin. 130, 3. Job. 9, 2).

3Noa sa igohi ndraʼodo si fatioe tõdõ andrõ, no ihoendragõ tooe ba danõ nosogoe, no ifafõrõ ndraʼo ba zogõmigõmi sibai, si mane si mate ba gõtõ fõna andrõ.

4Ba no ariri bacha dõdõgoe, no okõli dõdõgoe, barõ dotogoe.

5Itõrõ tõdõgoe gõtõ fõna andrõ, oeʼaloealoei tõdõgoe wolaoemõ andrõ fefoe, oefatooetooe tõdõgoe, halõw̃õ dangaoe andrõ. (Sin. 77, 6).

6Oeʼoroʼõ dangagoe chõoe, hoemoeloe bacha dõdõgoe chõoe, hoelõ danõ sokõli. (Sin. 42, 2. 3; 63, 2).

7Taʼitaʼi fondrondrongo chõgoe, jaʼoegõ Jehowa! Hoemoeloe dõdõgoe: Bõi biniʼõ chõgoe mbawaoe, fa bõi fagõlõgõlõ ndraʼodo ba zilalõ mitooe ba gohokoho. (Sin. 28, 1).

8Hoelõ wongi farongogõ chõgoe waʼeboea dõdõoe andrõ, oedõnadõna saʼae chõoe; oromaʼõ chõgoe lala andrõ, nitõrõgoe, chõoe saʼae oefazaw̃a dõdõgoe!

9Efaʼõ ndraʼo ba danga zi fatioe tõdõ chõgoe, jaʼoegõ Jehowa! Chõoe oesaw̃a.

10Fahaõ ndraʼo ba woloʼõ somasi ndraʼoegõ, Lowalangigoe sa ndraʼoegõ; jamoeʼohe dangagoe Ehehamõ si sõchi andrõ, ba lala sadõlõ!(Sin. 25, 5).

11Ba dõimõ andrõ, jaʼoegõ Jehowa, orifi ndraʼodo; ba waʼatoelõmõ andrõ efaʼõ dõdõgoe ba waʼaboe dõdõ andrõ! (Sin. 23, 3; 119, 25).

12Ba hori zi fatioe tõdõ chõgoe, ba waʼeboea dõdõoe andrõ, ba fakiko zamakao jaʼodo fefoe, me no enonioe ndraʼodo! (Sin. 116, 16).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index