Search form

SOERA ZINOENÕ 146

Sinoenõ 146.

Famarooe tõdõ ba wanõtõna chõ Lowalangi, me no ha jaʼia zangorifi.

1Haleloeja, soeno Jehowa, jaʼoegõ tõdõgoe!

2Daʼoesoeno Jehowa, gõtõ waʼanaoe nosogoe: ba manoenõdo chõ Lowalangi, gõtõ waʼara ndraʼodo ba goeli danõ.

3Bõi midõnadõna ba zalaw̃a, ono niha, si lõ fangorifi. (Sin. 118, 8. 9; Jer. 17, 5).

4Na aetoe nosonia, ba ifoeli tobali tanõ; na loeo daʼõ, ba awai nichoi dõdõnia. (Moz. I. 3, 19. Sangomb. 12, 7).

5Ja ahowoe ba zi no mõi sangorifi Lowalangi Jakobo andrõ, sanõtõna chõ Lowalanginia Jehowa,

6samazõchi banoea, awõ danõ, ba asi, awõ nõsinia andrõ fefoe; si lõ farõi ia, iroegi zi lõ aetoe.

7Solohe ba lala hoehoeo nifalangõgõ andrõ, sameʼe gõ ba zolofo; iʼefaʼõ nikoeroe andrõ Jehowa.

8Jehowa zamokai hõrõ zaoeʼa andrõ; Jehowa zamaõga si no aõndrõ; iʼomasiʼõ zatoelõ tõdõ Jehowa. (Sin. 145, 14).

9Irorogõ zi fatewoe andrõ Jehowa; itolo zi lõ ama, si lõ ina, awõ lacha mbanoea andrõ; ba seboea horõ andrõ, ba iʼohe ba lala eloengoea. (Moz. II. 22, 20. 21. Sin. 10, 14; 68, 6).

10Razo Jehowa, iroegi zi lõ aetoe, Lowalangioe andrõ, jaʼoegõ Siona, gõtõgõtõ waʼara. Haleloeja! (Sin. 93, 1).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index