Search form

SOERA ZINOENÕ 149

Sinoenõ 149.

Fanoenõ mbanoea Lowalangi andrõ, si mõna.

1Haleloeja! Milaoe chõ Jehowa zinoenõ si bohooe; nisoeno ia ba mbanoea satoelõ tõdõ andrõ! (Sin. 96, 1).

2Ja omoeso dõdõ Ndraono Gizeraëli zombõi jaʼia andrõ, ja owoeawoea dõdõ nono matoea Ziona razora andrõ. (Sin. 100, 3; 93, 1).

3Ndramoesoeno dõinia andrõ, ba wolaja, ndramanoenõ chõnia wamõzi aramba, awõ wolaoe biola nitika andrõ seboea!

4Me no iʼomasiʼõ mbanoeania andrõ Jehowa; ifoadoe fangorifi zeboea famakao andrõ.

5Ja owoeawoea dõdõ zatoelõ tõdõ ba lachõmi andrõ, ndramaʼiki ba gasora tooe.

6Fanoeno Lowalangi ba mbewera ba gari si faoma bawa ba dangara.

7Ba wolaoe balõ ba niha baero ba ba wangotoeʼõ soi bõʼõ.

8Ba worate razora ba ba wokalo siʼõli si so tõi chõra.

9Ba wamatõrõ chõra hoekoe andrõ, si so ba zoera; tobali lachõmi zatoelõ tõdõ andrõ chõnia, fefoe, zi manõ. Haleloeja!

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index