Search form

SOERA ZINOENÕ 19

Sinoenõ 19.

I. Fanoeno Lowalangi ba nifazõchinia andrõ, ba II. ba daroma linia. III. Fehoeloe dõdõ ba waʼamoʼahonoa.

1Chõ doeka wanoenõ andrõ. Sinoenõ; chõ Dawido.

2I. Idoenõdoenõ lachõmi Lowalangi andrõ banoea si jaw̃a, ba iʼombachaʼõ nifazõchi dangania sebolo andrõ. (Rom. 1, 20).

3Ifaʼema ba zi maʼṍchõ mahemoloe si maʼṍchõ maʼõchṍ, ba si bongi andre, ba iʼombachaʼõ ba zi bongi mahemoloe.

4Lõ toeria ba lõ taroma li, si lõ terongo li.

5Fanoeʼania andrõ, ba iroegi maʼafefoe danõ, ba balõ danõ iroegi linia; loeo andrõ, ba no ifolose ba chõnia. (Rom. 10, 18).

6Hoelõ zangowaloe ia, si otarai mbateʼenia; somoeso tõdõ ia, hoelõ zabõlõ, ba wanõrõ lalania andrõ.

7Ba wondrege danõ iʼotarai, ba itõrõi, iroegi wondrege tánõ sa, ba lõ hadia ia zi tobini ba waʼaoechoenia andrõ. (Sin. 104, 19).

8II. Si no moʼahonoa goroisa Jehowa andrõ, fangokafoe dõdõ; si lõ mangiwa wamadoehoe õ Jehowa andrõ, iʼatoeatoeaʼõ zambõ tõdõ. (Sin. 119, 50. 130).

9Niw̃aʼõ Jehowa, ba satoelõ, fangomoeso dõdõ; ba goroisa Jehowa andrõ, ba lõ hadia ia zi fabaja; famehaga hõrõ ia. (Sin. 12, 7; 18, 31; 119, 105).

10Fangataʼoefi Jehowa andrõ, ba no ohaoehaoe, lõ mamalõmalõ; hoekoe Jehowa, ba si doehoe, atoelõ, maʼafefoe.

11Somasi ita, moroi ba ganaʼa, moroi na oja mbalaki: ba āmi, moroi ba w̃e w̃ani ba moroi ba nõsi gawaʼawa andrõ. (Sin. 119, 70).

12Ba tefarooe gõi dõdõ genonioe chõnia; loeo seboea isõndra, na iʼoʼõ.

13III. Olalõw̃a andrõ, ba ha niha zaboto ba dõdõ ha me oega? heta chõgoe zi tobini andrõ!(Job. 9, 3. Sin. 130, 3).

14Timba chõ genonimõ zi fajaw̃a: bõi tehe, jaʼira zamatõrõ jaʼo! Ba lõ sinegoe chõgoe, ba lõ falemba chõgoe golalõw̃a seboea. (Sin. 18, 24).

15Enaʼõ na omasi ndraʼoegõ wehede mbewegoe, awõ geraʼera dõdõgoe andrõ, jaʼoegõ Jehowa, nahiagoe saro ba sangorifi jaʼodo!

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index