Search form

SOERA ZINOENÕ 20

Sinoenõ 20.

Famahowoeʼõ mbanoea razo.

1Chõ doeka wanoenõ andrõ. Sinoenõ; chõ Dawido.

2Jamoefondrondrongo lioe Jehowa, na baw̃a wamakao; jamõi baʼabaʼa chõoe dõi Lowalangi Jakobo andrõ! (Amaed. 18, 10).

3Jamoefaʼoheʼõ chõoe wangorifi, moroi ba niʼamoniʼõ andrõ, jamoetoloʼõ moroi ba Ziona!

4Jamoetõrõ tõdõnia zoemange niʼā andrõ chõoe, fefoe, ba jamoetema zoemange nitoenoe andrõ, nibeʼeoe!

5Jamoebeʼe chõoe zomasi dõdõoe ba jamoefoʼoengo fefoe nifachoi dõdõoe. (Sin. 21, 3).

6Enaʼõ na omoeso dõdõma ba wanolo andrõ nisõndraoe, ba enaʼõ na mataw̃i mandrera ba dõi Lowalangida andrõ. Jamoebeʼe chõoe Jehowa niʼandrõoe fefoe!

7Awena oeʼila, wa itolo nibajoininia andrõ Jehowa; ifondrondrongo chõnia, moroi ba zoroego andrõ chõnia, niʼamoniʼõ, ba waʼabõlõnia ba ba wanolo gambõlõnia andrõ. (Moz. II. 15, 6).

8Jaʼira, ba sanõtõna ba goereta ba ba koedo, ba jaʼita, ba taʼangarõfi li dõi Lowalangida andrõ. (Moz. V. 20, 1. Jes. 31, 1).

9Jaʼira, ba salaoe ba si tegaõlõ tooe, ba jaʼita, ba taʼadõlõʼõ hoeloeda, moezizio manõ.

10He Jehowa, tolo razo ba fondrondrongo lima, na moeʼao ndraʼaga!

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index