Search form

SOERA ZINOENÕ 21

Sinoenõ 21.

I. Fanoenõ mbanoea, ba wemõna razo andrõ. II. Ladõnadõna na wemõna. (Sam. II. 12, 26—30).

1Chõ doeka wanoenõ andrõ. Sinoenõ; chõ Dawido.

2I. He Jehowa! Ba waʼabõlõmõ andrõ omoeso dõdõ razo, ba owoeawoea sibai dõdõnia ba wanolooe andrõ.

3Somasi dõdõnia, ba no õbeʼe chõnia, ba niʼandrõ mbewenia, ba no õʼoʼõ. (Sin. 20, 5; 37, 4).

4Noa sa õfaondragõ ia, wameʼe howoehowoe, awõ zi sõchi, no õfanaemboe ia saemboe balaki. (Sin. 132, 18).

5Fangorifi no iʼandrõ chõoe, ba no õbeʼe chõnia, faʼanaoe noso, si lõ mamalõmalõ, si lõ aetoe.

6Eboea doeriania ba wanolomõ andrõ; no õʼeboeaʼõ dõinia ba no õfolachõmi ia.

7Noa sa õfataro ia famahowoe, si lõ aetoe, no õʼomoesoiʼõ dõdõnia tánõ fõnaoe.

8Chõ Jehowa saʼae manõtõna razo, ba lõ mangiwa ia ibeʼe faʼeboea dõdõ Wondrege zalaw̃a andrõ.

9II. Ichamõ tangaoe zi faʼoedoe chõoe fefoe, ichamõ kambõlõoe zi fatioe tõdõ chõoe.

10Õbaliʼõ dania baho galitõ ira, na soʼõ; ihori ira Jehowa ba wõnoenia andrõ, ba iʼā ira alitõ.

11Madooera õhori ba danõ, ba maʼoewoera, ba õhori ba nono niha. (Sin. 109, 13).

12Lachoi tõdõra zi lõ sõchi, faʼoedoesa chõoe, lafachai horõ, ba lõ moʼoengo. (Jes. 8, 10).

13Moloi sa ira õbeʼe, õfaoedoegõ mbawara fanamõ andrõ. (Sin. 7, 13).

14Faoso Jehowa, ba waʼabõlõmõ andrõ! ba manoenõ ndraʼaga, masoeno waʼabõlõoe.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index