Search form

SOERA ZINOENÕ 24

Sinoenõ 24.

Fanoenõ ba wolohe mijomo tawõla gamaboeʼoela li andrõ. I. Banoea Jehowa. II. Razo solachõmi.

Chõ Dawido. Sinoenõ.

(Faigi gõi Zam. II. 6.)

1I. Chõ Jehowa danõ, awõ nõsinia, oeli danõ andrõ, awõ zowanoea ba detenia. (Sin. 50, 12. Kor. I. 10, 26).

2Me no jaʼia zolata, jaw̃a nasi, sangaʼaroʼõ jaʼia jaw̃a hohooe andrõ. (Moz. I. 1, 9. 10).

3Ha niha zi tola mõi jaw̃a ba hili Jehowa andrõ, ba ha niha zi tola mangiagõ naha niʼamoniʼõ andrõ chõnia? (Sin. 15).

4Si lõ hadia ia zi falemba ba danga ba sohaoehaoe tõdõ; si lõ mangaloei falimosa ba si lõ mõi ba hõloe, na faja.

5Daʼõ zanema howoehowoe chõ Jehowa, ba faʼatoelõ chõ Lowalangi andrõ, sangorifi jaʼia. (Jes. 48, 18).

6Daʼõ niha andrõ, sanofoenofoe jaʼia, sangaloei fangila bawaoe, jaʼoegõ Lowalangi Jakobo andrõ. (Rom. 2, 28. 29).

7II. Mifazaw̃a ami, jaʼami bawa gõli! Miʼalaw̃a õ ami, jaʼami bawandroehõ si no ararā, enaʼõ itõrõ razo andrõ, solachõmi! (Jes. 40, 3. 4).

8Ha niha razo andrõ, solachõmi? Jehowa andrõ, sabeʼe ba sabõlõ! Jehowa, sabõlõ ba wasõndrata.

9Mifazaw̃a ami, jaʼami bawa gõli! Miʼalaw̃aʼõ ami, jaʼami bawandroehõ si no ararā andrõ, enaʼõ itõrõ razo andrõ, solachõmi!

10Ba ha niha atṍ razo andrõ, solachõmi? Jehowa zato andrõ, daʼõ razo andrõ, solachõmi.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index