Search form

SOERA ZINOENÕ 26

Sinoenõ 26.

Fangandrõ fondrorogõ, soelõ waʼatoelõ.

Chõ Dawido.

1Hoekoe ndraʼo Jehowa, noa sa oetõrõ lalagoe, lõ horõ; no manõtõna ndraʼo chõ Jehowa, lõ sangiwa ndraʼodo.

2Sechegõ ndraʼo Jehowa ba tandraigõdo, haogõ mboeagoe ba tõdõgoe. (Sin. 17, 3).

3Oetõngõtõngõni waʼeboea dõdõoe andrõ, ba no oetõrõ zi doehoe andrõ chõoe.

4Lõ si dadaodo awõ niha sofaja ba lõ si faofao ndraʼo ba zi falimo. (Sin. 1, 1).

5Fatoewoe chõgoe gowoeloa zamazõchi si lõ sõchi, ba lõ si dadao ndraʼo awõ zeboea hõrõ.

6Oehalõ fanasa dangagoe wa lõ horõ, ba da oefazoeizoei naha wameʼe soemange andrõ chõoe, jaʼoegõ Jehowa. (Sin. 122).

7Ba wamarongogõ taroma li wangandrõ saoha gõlõ ba ba wanoetoenõ sahõlihõli dõdõ andrõ chõoe, fefoe.

8He Jehowa, omasido nahiaoe omo andrõ, nahia lachõmioe.(Sin. 27, 4).

9Bõi halõ nosogoe, awõ zamazõchi horõ, bõi boenoedo, awõ zangeʼengeʼe andrõ,

10si falemba horõ ba danga, si no moʼõsi õ horõ danga kambõlõ.

11Ba jaʼo, ba oetõrõ lalagoe, lõ horõ. Orifi ndraʼo ba eboeaʼõ dõdõoe chõgoe!

12Ba lala sadõlõ manandrõsa gahegoe: Oesoeno Jehowa ba zowoelo niha. (Sin. 22, 23).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index