Search form

SOERA ZINOENÕ 3

Sinoenõ 3.

Fangandrõ, ba waʼato zi faʼoedoe.

1Sinoenõ chõ Dawido, me moloi ia, me igohi ia ononia Abisalomi. (Sam. II. 15, 14).

2He Jehowa, no ato sibai zamakao jaʼo, no ato sibai zi maoso oedoegoe.

3Ato zangoemaʼõ chõgoe: ”Lõ fanolo Lowalangi chõnia”.

4Ba baloese sa ndraʼoegõ chõgoe, jaʼoegõ Jehowa! soemangegoe ndraʼoegõ ba samaõga bawagoe. (Sin. 84, 12).

5Moeʼaodo chõ Jehowa, ba no itema ligoe, moroi ba hili niʼamoniʼõ andrõ chõnia.

6No oeleagõ tooe ndraʼo mege, ba mõrõdo. Ba no tokeado; iʼabeʼeʼõ sa ndraʼo Jehowa. (Sin. 4, 9. Amaed. 3, 24).

7Lõ ataʼoedo ngahõnõ niha, samasoei jaʼo. (Sin. 27, 3).

8Faoso, Jehowa! tolodo, Lowalangigoe! Õfetaʼoe sa mbawa zi faʼoedoe chõgoe fefoe, õrasa nifõ zeboea horõ andrõ. (Sin. 58, 7).

9Chõ Jehowa wangorifi; jamõi ba mbanoeaoe andrõ howoehowoemõ andrõ. (Jer. 3, 23).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index