Search form

SOERA ZINOENÕ 30

Sinoenõ 30.

I. Fanoeno Lowalangi, me no itolo ba waʼaboe dõdõ. II. Fangandrõ hadia ia ba fangandrõ saoha gõlõ.

1Sinoenõ. Ba weʼamoniʼõ omo; chõ Dawido.

2I. Daʼoesoeno dõimõ Jehowa, me no õʼefaʼõ ndraʼo ba me lõ niteheoe omoeso dõdõ zi faʼoedoe chõgoe, ba chõgoe andre. (Sin. 35, 19. 24).

3He Jehowa, Lowalangigoe! Chõoe moeʼao ndraʼodo mege, ba no õʼorifi ndraʼodo.

4He Jehowa! No õʼohe jaw̃a nosogoe moroi ba mbanoea tooe; no õfoeli õʼorifi ndraʼo, moroi ba ngai zi no moelalõ mitooe ba gohokoho. (Sin. 116, 3. 4).

5Misoeno Jehowa, jaʼami satoelõ tõdõ andrõ chõnia! Miʼandrõ saoha gõlõ ba dõinia andrõ, niʼamoniʼõ!

6Ha sa mamõʼi hõrõ waʼara wõnoenia, ba sagõtõ niha waʼeboea dõdõnia; ba zi bongi so wegeʼege, ba irege mahemoloe mbanoea, ba faʼiki. (Jes. 54, 7).

7II. Noa sa oemane, me sohahaoe tõdõ ndraʼodo: ”Lõ mangiwa ndraʼo, iroegi zi lõ aetoe.”

8He Jehowa! ba waʼeboea dõdõoe andrõ õfataro mege ndraʼodo ba hili si lõ mangiwa: ba õbiniʼõ mbawaoe, ba si tokea ndraʼodo.

9Chõoe Jehowa moeʼao ndraʼo, no oeʼangarõfi li Jehowa, oemane:

10”Hadia hareoe ba ndrogoe andrõ, na noemalõ ndraʼo ba gohokoho? Hadia, iʼila isoeno ndraʼoegõ gawoegawoe? Hadia, iʼombachaʼõ wa si lõ farõi ndraʼoegõ?” (Sin. 6, 6).

11Fondrondrongo Jehowa ba hachõsi tõdõ ndraʼodo! He Jehowa, orifi ndraʼodo!

12No õbaliʼõ fanoenõ wangarõngarõgoe andrõ; no õheta chõgoe noecha ba wangeʼesi andrõ ba no õfolembe ndraʼodo faʼomoeso dõdõ. (Joh. 16, 20).

13Enaʼõ isoeno ndraʼoegõ tõdõgoe, enaʼõ lõ ibato. He Jehowa, Lowalangigoe, oesoeno ndraʼoegõ, si lõ mamalõmalõ! (Sin. 16, 9).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index