Search form

SOERA ZINOENÕ 36

Sinoenõ 36.

I. Folaoe zeboea horõ andrõ. II. Faʼeboea dõdõ Lowalangi.

1Chõ doeka wanoenõ andrõ. Chõ genoni Jehowa andrõ, Dawido.

2I. So wehede horõ ba hoenõ dõdõ zeboea horõ andrõ; ba wamaiginia, ba lõ fangataʼoefi Lowalangi. (Rom. 3, 18).

3No ihaogõhaogõ chõnia, wamaiginia, enaʼõ terongo golalõw̃ania, ba enaʼõ gõna ia fatioesa.

4Famakiko ba faja daroma li mbewenia, no ibõhõli waʼatoeatoea ba folaoe si sõchi.

5Famakiko iʼaloealoei ba gasonia, isaw̃a lala sabila, lõ iʼogorofi zi lõ sõchi. (Mich. 2, 1).

6II. He Jehowa! iroegi mbanoea si jaw̃a waʼeboea dõdõoe, iroegi lawoeo wa lõ farõi ndraʼoegõ.(Sin. 57, 11; 108, 5).

7Faʼeboea hili Lowalangi andrõ waʼatoelõmõ ba hoekoe andrõ chõoe, ba si mane namõ seboea; õʼorifi niha ba saliw̃aliw̃a ba danõ, jaʼoegõ Jehowa. (Sin. 135, 1. 2).

8Omasiõ sibai waʼeboea dõdõoe, jaʼoegõ Lowalangi, labiniʼõ ira ono niha ba loemõ gafioe andrõ.

9Labadoe zi no fahõna andrõ ba nomomõ, aboeso ira, õfabadoegõ chõra hohooe waʼomoeso dõdõ andrõ chõoe. (Sin. 23, 5).

10Ba chõoe sa so goemboe wangorifi andrõ; ba haga andrõ chõmõ maʼila haga. (Jer. 2, 13).

11Bõi boelõʼõ waʼeboea dõdõoe andrõ ba zi no faʼila chõoe, ba faʼatoelõmõ ba zadõlõ tõdõ.

12Bõi ja ichamõdo ahe zeboea hocha andrõ, ba bõi jamoetimba ndraʼodo tanga zeboea horõ.

13Ba daʼõ mege alaoe zamazõchi si lõ sõchi, tetimba tooe ira ba tebai maoso saʼae.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index