Search form

SOERA ZINOENÕ 4

Sinoenõ 4.

I. Fangandrõ Dawido, enaʼõ i orifi ia Lowalangi. Fehedenia ba zi faʼoedoe chõnia. II. Fanõtõnania chõ Lowalangi.

1Chõ doeka wanoenõ andrõ, solaoe biola. Sinoenõ; chõ Dawido.

2I. Na moeʼaodo chõoe, ba fondrongondrongo chõgoe, jaʼoegõ Lowalangi faʼatoelõgoe andrõ. No õbologõ dõdõgoe, me no tofera. Eboeaʼõ dõdõoe chõgoe ba fondrondrongo wangandrõgoe.

3He jaʼami, niha! Heza iroegi, wa tobali fangoʼoja zoemangegoe? Miʼaloei waja, wangomasiʼõ si lõ boto.

4Ja aboto ba dõdõmi, wa ifaehoesi Jehowa zatoelõ tõdõ andrõ chõnia. Ifondrondrongo Jehowa, na moeʼaodo chõnia. (Sin. 17, 7).

5Miʼofõnoe, ba bõi mifazõchi horõ! Mifatooetooe tõdõmi ba gasomi andrõ ba mihonogõ ami. (Efes. 4, 26. Sin. 16, 7).

6Mibeʼe zoemange, soroi ba waʼatoelõ dõdõ, ba midõnadõna chõ Jehowa hadia ia. (Sin. 51, 19. 21).

7II. Ato zangoemaʼõ: ”Ha niha zangoromaʼõ chõda si sõchi?” He Jehowa, faõga jaw̃ama haga mbawamõ andrõ! (Moz. IV. 6, 25. 26).

8No õʼomoesoiʼõ dõdõgoe, moroi me oja mboea nowira ba agoera.

9Oefadõlõ ndraʼo ba oeʼanemaʼõ mõrõ, lõ hadia ia. Jaʼoegõ Jehowa sa zamaigi, fa ahono ndraʼo ba nahagoe, he ba zi ha jaʼo. (Moz. III. 26, 6. Sin. 3, 6).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index