Search form

SOERA ZINOENÕ 45

Sinoenõ 45.

I. Fanoeno razo seboea andrõ, ba II. Fanoeno nihania [banoea].

1Chõ doeka wanoenõ andrõ, dali ”Ladari mbõhõ” andrõ; nilaoe Ndraono Gora. Fanoeno faʼomasi andrõ. (Famaʼel. 19, 7).

2I. Falawoe dõdõgoe fehede omasiõ. Oemane: Chõ razo oetandrõsaigõ nilaoegoe andrõ. Lelagoe andre ba no fanoera, chõ zanoera si no toʼõlõ.

3Si sõchi ndraʼoegõ, lõ famaedooe ba niha bõʼõ. No tefadoewa ba mbeweoe zomasi nawõoe; daʼõ mbõrõ, wa no ifahowoeʼõ ndraʼoegõ Lowalangi, si lõ mamalõmalõ. (Sin. seb. 5, 10—16).

4Beʼe ba mbõbõ lõwilõwioe wõdamõ andrõ, jaʼoegõ sabõlõ, lachõmioe ba faʼasalaw̃amõ andrõ!

5Tõrõ, owaõwaõ ba wamatõrõ si doehoe ba faʼebolo dõdõ ba faʼatoelõ, ba jamoefahaõʼõ kambõlõoe ba zataʼoe niha. (Sin. 72, 4).

6Satarõ nono wana andrõ chõoe, mate barõ gaheoe soi niha, tekiko zi faʼoedoe chõ razo.

7Dadaomamõ andrõ, jaʼoegõ Lowalangi, ba si lõ teboelõ; siʼo ba waʼatoelõ ziʼo zalaw̃a andrõ chõoe. (Sam. II. 7, 13. Heb. 1, 8. 9).

8Somasi faʼatoelõ ndraʼoegõ ba si faʼoedoe ba zabila; andrõ wa no ibajoini ndraʼoegõ Lowalangi, Lowalangioe andrõ, fanicha somoeso dõdõ, moroi ba nawõoe fefoe.

9Oi emoeri ba w̃e gõna farasi ba koeli mani noechaoe fefoe; omoeso dõdõoe ibeʼe li mbiola, si oroi gõdo ifõ goeaza. (Amos. 3, 15).

10II. Fasoli ono razo alawe zomasiʼõ andrõ; no so ba gambõlõoe ngambatõoe, moʼaja anaʼa Gofiri.

11Fondrondrongo ono alawe ba faigi ba beʼe mbõrõ dalingaoe, ba hana na olifoeʼõ niwami ba omo namaoe andrõ. (Moz. I. 2, 24).

12Ba na omasi razo waʼasõchimõ andrõ — sochõ jaʼoegõ sa ia —, ba fosoemange ia.

13Ba laʼaloei waʼeboea dõdõoe banoea Diro andrõ, mamoeala ira chõoe, fondrege zeboea anaʼa, banoeara.

14Ha sambalõ lachõmi nono razo alawe jomo, bõna ame manõ noechania.

15Noecha nifotalachoi noechania, na laʼohe chõ razo; laʼohe dania chõoe nono alawe (bõʼõ), moroi foerinia, awõnia.

16Omoeso dõdõ niha ba maʼikiʼiki, na laʼohe; mõi ira jomo ba gõdo razo.

17Fangali ndra amaoe dania nonooe; sagõrõ tanõ misa õfataro ira salaw̃a.

18Ba itõrõ tõdõ ngaʼõtõ dania fefoe dõimõ oebeʼe; andrõ lasoeno dania ndraʼoegõ soi niha, iroegi zi lõ aetoe.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index