Search form

SOERA ZINOENÕ 50

Sinoenõ 50.

Famahaõ ba wamosoemange Lowalangi.

(Faigi gõi Zam. I. 15, 22.)

Sinoenõ; chõ Gasafo. (Ngaʼõt. I. 25, 1).

1Sabõlõ andrõ, Lowalangi, Jehowa, zihede ba siʼao ba danõ, iʼotarai ba gatoemboecha loeo, iroegi ba gaechoelania.

2Moroi ba Ziona, fondrege zi zõchi andrõ, hoemaga Lowalangi.

3So moroi sa Lowalangida ba lõ ibato wehede; alitõ si mangamanga hadia ia fõnania, ba no tefasoei ia angi sabõlõ. (Sin. 96, 13).

4Moeʼao ia ba mbanoea si jaw̃a, ba ba danõ, ba wangoehoekoe banoeania. (Jes. 1, 2).

5”Miʼowoeloi chõgoe zatoelõ andrõ chõgoe, si no fawoeʼoe li chõgoe ba zoemange andrõ.” (Moz. II. 24, 4—8).

6Ba iʼombachaʼõ waʼatoelõnia banoea si jaw̃a; Lowalangi sa zangoehoekoe.

7Mifondrondrongo, jaʼami banoeagoe, edõna moehede ndraʼo; jaʼami Iraono Gizeraëli, daʼoefadoehoeʼõ chõmi: Lowalangi ndraʼodo, Lowalangimi.

8Tenga bõrõ zoemange andrõ chõoe, wa oetegoe ndraʼoegõ, lõʼõ sa teboelõ fõnagoe zoemange nitoenoe andrõ chõoe. (Jes. 1, 11).

9Lõ omasido oetema nono zaw̃i, moroi jomo chõoe, ba he biribiri si matoea, moroi ba kandra chõoe.

10Chõgoe sa fefoe zaliw̃aliw̃a ba danõ, barõ gatoea, oerifõ niha ba hili, ba ngahõnõ.

11Oeʼila fefoe wofo ba hili, ba hadia zaliw̃aliw̃a ba mbenoea, ba oeʼila.

12Na olofo ndraʼo menaʼõ, ba lõ oetoenõ chõoe; chõgoe sa goeli danõ, awõ nõsinia.

13Hadia, oeʼā nõsi zaw̃i, ba hadia, oebadoe ndro mbiribiri si matoea?

14Beʼe soemange Lowalangi wangandrõ saoha gõlõ, ba boeʼa chõ Wondrege zalaw̃a andrõ gamaboeʼoela limõ!

15Ba angarõfi li ndraʼo, na baw̃a wamakao, ba oeʼorifi ndraʼoegõ, ba õsoeno ndraʼo dania.(Sin. 81, 8; 91, 15. Job. 22, 27).

16Ba ba zeboea horõ iw̃aʼõ Lowalangi ”Hadia wa õtoenõ gamachoita andrõ chõgoe, ba hadia wa õhalõ ba mbeweoe gamaboeʼoela ligoe. (Rom. 2, 21—23).

17Ba techõoe sa wamondrongo famobawa lala andrõ ba no õʼerogõ daroma ligoe.

18Na õʼila zanagõ ba omasi ndraʼoegõ, ba faofao ndraʼoegõ ba zohorõ. (Efes. 5, 11).

19Lõ nitahamõ beweoe, ba zi lõ sõchi, ba no ifachai walimosa lelaoe.

20No doemadao ndraʼoegõ wamatooe talifoesõoe; ono ninaoe no õtandraw̃aisi.

21Daʼõ nilaoemõ, ba lõ sihede ndraʼo, ba õwai no fagõlõgõlõ ndraʼo chõoe. Ba oeʼohe ba hoekoe ndraʼoegõ, oeʼoromaʼõ chõoe. (Sin. 73, 11).

22Ba mitõngõni daʼõ, jaʼami solifoe Lowalangi, fa bõi oesasawi ami, si lõ sangorifi.

23Sameʼe soemange fangandrõ saoha gõlõ, daʼõ zamolachõmi jaʼodo, ba ba zi lõ sinegoe ba mboeaboeania oeʼoromaʼõ wangorifi andrõ chõ Lowalangi.”

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index