Search form

SOERA ZINOENÕ 52

Sinoenõ 52.

Tekiko zeboea horõ ba lõ teboelõ zatoelõ.

1Chõ doeka wanoenõ andrõ, Famahaõ; chõ Dawido,

2me mõi chõ Zaoelo Doëgi andrõ, Iraono Gedomo, me iʼombachaʼõ: ”No mõi chõ Gabimelechi Dawido.” (Sam. I. 22, 9—19).

3Hadia wa õsoenoʼõ ba walõsõchi andrõ, jaʼoegõ sabõlõ? Lõʼõ sa mamalõmalõ waʼeboea dõdõ Lowalangi.

4Famakiko ifachai lelaoe, wolaoe falimosa, hoelõ wanõwõ waʼatarõ.

5Omasi ndraʼoegõ zi lõ sõchi, moroi ba zi sõchi, omasiʼõ molaoe faja, moroi ba zi doehoe.

6Fehede famakiko nilaoe dõdõoe, lela falimosa.

7Ba ifakiko gõi ndraʼoegõ Lowalangi, iʼetoeʼõgõ; iraʼoe ndraʼoegõ, itimbaʼõ baose chõoe, idehaʼõ ba danõ niha saoeri.

8Ba laʼila satoelõ ba ataʼoe, ba laʼigiʼigiʼõ ia (lamane): (Sin. 91, 8).

9”Hiza niha andrõ, si lõ mameʼe baʼabaʼania Lowalangi, sanõtõna ba waʼeboea ganaʼania, ba si no abõlõ ba zi lõ sõchi andrõ, nilaoenia.”

10Ba jaʼodo, ba hoelõ dõla falo saoeri, ba nomo Lowalangi, oedõnadõna ba waʼeboea dõdõ Lowalangi andrõ, lõ mamalõmalõ. (Sin. 92, 13—16).

11Lõ oefamalõmalõ wanoeno jaʼoegõ, me no õmanõ; oedõnadõna ba dõimõ andrõ, si sõchi sa ia, wamaigi zatoelõ tõdõ andrõ chõoe.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index