Search form

SOERA ZINOENÕ 53

Sinoenõ 53.

I. Fangarõngarõ ba waʼeloengoe niha. II. Folaoe seboea horõ andrõ. Faʼomoeso dõdõ zatoelõ.

1Chõ doeka wanoenõ andrõ; dali Machalata andrõ. Famahaõ; chõ Dawido.

(Faigi gõi Zin. 14.)

2I. Iw̃aʼõ tõdõnia sowõhõ mowa: ”Lõ Lowalangi.” No lalaoe zi lõ sõchi, manao horõ ira, sogoro ita; samõsa lõ solaoe si sõchi.

3No ifaigi mitooe nono niha Lowalangi, enaʼõ iʼila, na so zamõsa satoeatoea sanofoe Lowalangi.

4No ahori fabali ira, dozi no tekiko; lõ solaoe si sõchi, samõsa lõʼõ.

5Hadia, lõ faʼaboto ba dõdõ zolaoe si lõ sõchi? Si manga mbanoeagoe nifemanga roti, ba lõʼõ sa laʼangarõfi li Lowalangi.

6II. Ba daʼõ ihawoei ira faʼataʼoe, lõ lai wa lõ bõrõ waʼataʼoe; ifazawili sa Lowalangi dõla zanoewõ jaʼoegõ. Aila ira õbeʼe, me no itiboʼõ ira Lowalangi.

7Enaʼõ na so wangorifi Ndraono Gizeraëli andrõ, si otarai Ziona! Na iʼefaʼõ mbanoeania Lowalangi ba goeroengara andrõ, ba maʼiki Ndraono Jakobo, omoeso dõdõ Ndraono Gizeraëli andrõ.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index