Search form

SOERA ZINOENÕ 59

Sinoenõ 59.

I. Fangandrõ, ba zolohi awõra andrõ ba fanõtõna ba Lowalangi, itolo. II. Tohoetohoe wangandrõ ba fanoeno Lowalangi.

1Chõ doeka wanoenõ andrõ, dali: ”Bõi fakiko;” chõ Dawido; oemanõ; me ifatenge Saoelo, me latarogõ Dawido barõ nomo, ba wamoenoe jaʼia. (Sam. I. 19, 11).

2I. Tolodo, Lowalangi, ba zi faʼoedoe andrõ chõgoe; ba zi lõ gõnado hadia ia fataro ndraʼo, ba zi maoso andrõ, oedoegoe.

3Efaʼõ ndraʼo ba zanao horõ ba tolodo, ba zangeʼengeʼe andrõ.

4Hiza sa, latarogõ nosogoe, oroedoe zabõlõ, oedoegoe; ba lõ salagoe ba lõ horõgoe, jaʼoegõ Lowalangi.

5Fagohi ira, lõ lai wa lõ horõgoe, ba lafaʼanõ ira. Faoso, faondragõ ndraʼodo ba faigi. (Sin. 44, 24).

6Ba jaʼoegõ Jehowa, Lowalangi ngahõnõ, Lowalangi Ndraono Gizeraëli, faoso, ba wangoehoekoe niha baero, fefoe! Samõsa bõi hachõsi tõdõ, si manga mbõli andrõ, sanao horõ.

7Na bongi mangawoeli ira, moekao, hoelõ nasoe, ba lafasoei mbanoea. (A. 15).

8Hiza, manandraw̃a mbawara, fõda ba mbewera, lamane: ”Ha niha zamondrongo?”

9Ba õʼigiʼigiʼõ ira, jaʼoegõ Jehowa, ajaoe niha baero, fefoe.

10Faʼabõlõgoe ndraʼoegõ, chõoe manõtõna ndraʼodo; hatigoe sa Lowalangi. (Sin. 2, 4).

11Ifaondragõ chõgoe waʼeboea dõdõnia Lowalangigoe andrõ; waʼomasigoe wamaigi si faʼoedoe chõgoe, ibeʼe Lowalangi. (Sin. 54, 9).

12II. Bõi boenoe ira, enaʼõ lõ olifoe mbanoeagoe; fazawili ira faʼabõlõmõ andrõ ba timba tooe ira, jaoegõ Soʼaja, baloesema!

13Horõ mbawara daroma li mbewera andrõ; enaʼõ tefaʼoeʼoe ira ba hochara andrõ ba ba wangelifi andrõ, ba ba waja andrõ, nilaoera.

14Fakiko ira, ba wõnoemõ andrõ, fakiko, enaʼõ lõ jaʼira saʼae, enaʼõ aboto ba dõdõra, Lowalangi zamatõrõ Iraono Jakobo, iroegi ba wondrege danõ.

15Ba ero owi, ba mangawoeli ira, moekao, hoelõ nasoe, ba lafasoei mbanoea. (A. 7).

16Mowaõwaõ misa ba wangaloei gõ; ba na lõ aboeso ira, ba laʼosarawongigõ.

17Ba jaʼodo, ba oesoeno waʼabõlõoe, ba ba zangoehoelõ wongi, ba owoeawoea dõdõgoe waʼeboea dõdõoe andrõ; noa saʼae hatigoe ndraʼoegõ ba saw̃atõgoe, me baw̃a waʼatosasagoe.

18Daʼoesoeno ndraʼoegõ, jaʼoegõ faʼabõlõgoe; hatigoe sa Lowalangi, Lowalangigoe andrõ, seboea tõdõ.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index