Search form

SOERA ZINOENÕ 61

Sinoenõ 61.

Fangandrõ ba waʼaboe dõdõ ba fanõtõna, ba fangandrõ salahi razo.

1Chõ doeka wanoenõ andrõ, nilaoe biola; chõ Dawido.

2Fondrondrongo Lowalangi, wangarõngarõngoe andre, beʼe mbõrõ dalingaoe ba wangandrõgoe!

3Moroi ba wondrege danõ moeʼaodo chõoe, na olofo dõdõgoe; ohedo jaw̃a ba dete gara, sabõlõ alaw̃a chõgoe.

4Saw̃atõ saʼae ndraʼoegõ chõgoe, hati saro, ba nemali andrõ. (Sin. 18, 2. 3; 71, 3).

5Ba nose chõoe sodo, iroegi zi lõ aetoe, oesõndra wangorifi, na ibaloegõdo afioe. (Sin. 63, 3).

6Noa sa õfondrondrongo gamaboeʼoela ligoe andrõ, jaʼoegõ Lowalangi, no õbeʼe chõgoe dána zangataʼoefi tõimõ.

7Õʼanaoeʼõ noso razo, enaʼõ gõtõgõtõ waʼara ndrõfinia. (Sin. 21, 5).

8Lõ teboelõ ia ba gametahõ Lowalangi, iroegi zi lõ aetoe; oroi õ waʼeboea dõdõ ba faʼadoehoe, ba wondrorogõ jaʼia. (Sam. II. 7, 16).

9Ba oesoeno dõimõ andrõ si lõ mamalõmalõ, wamoeʼa amaboeʼoela ligoe andrõ, ero maʼṍchõ.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index