Search form

SOERA ZINOENÕ 62

Sinoenõ 62.

I. Famarooe tõdõ ba wanõtõna chõ Lowalangi. II. Fanenaw̃a fanõtõna ba niha ba ba wajafaja.

1Chõ doeka wanoenõ andrõ, chõ Jedoetoeno andrõ, nilaoe Dawido. (Ngaʼõt. I. 25, 1).

2I. Ha chõ Lowalangi manõtõna dõdõgoe, no ahonohono, chõnia iʼotarai wangorifigoe. (Jes. 30, 15).

3Ha jaʼia weʼeweʼe dõdõgoe ba fangorifigoe, hatigoe, tebai manõ mangiwa ndraʼo.

4Heza iroegi misoewõ niha si ha samõsa, wa edõna midoedoegõ ia, hoelõ mbagolõ si no aolo, hoelõ gõli kara, si no moehisi?

5Ha daʼõ wamagõlõra, he lawisa wanimba tooe jaʼia, moroi ba nahania salaw̃a; faja zomasi ira; ba mbewera, ba famahowoe, ba ba dõdõra, ba fangelifi.

6Ha chõ Lowalangi manõtõna dõdõgoe, no ahonohono, chõnia saʼae iʼotarai fangorifigoe.

7Ha jaʼia weʼeweʼe dõdõgoe ba fangorifigoe, hatigoe saro; tebai manõ mangiwa ndraʼo. (Sin. 18, 2. 3).

8Chõ Lowalangi oesõndra wangorifigoe ba toeriagoe; danedane waʼabeʼegoe ba fanõtõnagoe, ba chõ Lowalangi so. (Sin. 61, 4).

9Bõi ja mamalõmalõ wanõtõnami chõnia, jaʼami ono niha; mibokai dõdõmi chõnia; tõtõnafõda Lowalangi.

10II. Fajafaja manõ nono niha, faja nono zalaw̃a; na latoelo, ba isaw̃a jaw̃a; dozi ira, ba no angi.

11Bõi midõnadõna ba wemanga ganaʼa ba bõi mohocha ami ba niraboe; na misõndra ganaʼa, ba bõi molemba dõdõmi chõnia. (Mat. 19, 22. Loek. 12, 19. 20. Tim. I. 6, 17).

12Samoeza no moehede Lowalangi, no mendroea oerongo daʼõ, wa no chõ Lowalangi waʼabõlõ.

13Ba chõoe waʼeboea dõdõ, jaʼoegõ Soʼaja: õsoelõni sa ba zamõsana nilaoenia. (Rom. 2, 6—11).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index