Search form

SOERA ZINOENÕ 64

Sinoenõ 64.

I. Fangarõngarõ ba walõsõchi zi faʼoedoe andrõ. II. Fanõtõna fanolo chõ Lowalangi.

1Chõ doeka wanoenõ andrõ, sinoenõ; chõ Dawido.

2I. Fondrondrongo ligoe Lowalangi, ba wangarõngarõ andre; orifi ndraʼo, ba gametaʼoeõ emali andrõ.

3Biniʼõ ndraʼo, ba wamagõlõ zanao horõ andrõ, si no tobini; ba zolaoe si lõ sõchi andrõ, si no oroedoe, si fagoeagoea.

4Sangatarõsi lelara, fa hoelõ nichoe gari: lafoʼõsi wanara fehede safõchõ. (Sin. 57, 5).

5Ba wamana satoelõ tõdõ andrõ, ba zi lõ oroma; lafana ia lõ moedõnadõna, lõ ataʼoe ira. (Sin. 11, 2).

6Abeʼe ira ba wolaoe si lõ sõchi, itõrõ lira wolaoe fesoe, ba lamane: Ha niha zangila? (Sin. 94, 7).

7Lafachai zi lõ sõchi, lamane: ”No awai chõda, no tafagõlõsi.” Ba arõ doto niha ba tõdõnia, ba no abacha.

8II. Ba ifana ira Lowalangi; so nono wana si lõ moedõnadõna ba mesocho ira.

9Ba salaoe tooe ira, ilangõ ira lelara, ba dozi sangila jaʼira, ba lafatalichõ ira. (Sin. 7, 16).

10Ba ataʼoe niha fefoe, ba ladoenõdoenõ wolaoe Lowalangi andrõ, ba aboto ba dõdõra halõw̃õnia.

11Ba omoeso dõdõ zatoelõ tõdõ andrõ, ba chõ Jehowa, ba abeʼe dõdõnia chõnia; ba lasoeno ira dozi sadõlõ tõdõ.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index