Search form

SOERA ZINOENÕ 67

Sinoenõ 67.

Fangandrõ saoha gõlõ howoehowoe Lowalangi andrõ.

1Chõ doeka wanoenõ andrõ; sinoenõ; oemanõ.

2Jamoeʼeboeaʼõ dõdõnia chõda Lowalangi ba jamoefahowoeʼõ ita; jamoefohaga mbawania chõda. (Moz. IV. 6, 24. 25).

3Enaʼõ aboto ba dõdõ niha ba goeli danõ lala andrõ chõoe, ba enaʼõ aboto ba dõdõ niha baero wangorifi andrõ chõoe.

4Sanoeno jaʼoegõ soi niha, jaʼoegõ Lowalangi, sanoeno jaʼoegõ dozi soi. (Sin. 117, 1).

5Somoeso tõdõ soi niha misa ba sowoeawoea tõdõ, me õʼohe ba waʼadõlõ wangoehoekoe soi, me õfatõrõ soi niha misa.

6Sanoeno jaʼoegõ soi niha, jaʼoegõ Lowalangi, sanoeno jaʼoegõ dozi soi.

7No ibeʼe baero mboeania tanõ; ifahowoeʼõ ita Lowalangi, Lowalangida andrõ. (Sin. 65, 10).

8Ifahowoeʼõ ita Lowalangi ba laʼataʼoefi ia balõ danõ fefoe. (Sin. 33, 8).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index