Search form

SOERA ZINOENÕ 79

Sinoenõ 79.

I. Fangarõngarõ, me no ladoedoegõ Jeroezalema emali. II. Fangandrõ fangorifi.

(Faigi gõi Sin. 74. Raz. II. 25.)

Sinoenõ; chõ Gasafo.

1I. He Lowalangi! No laroegi dána chõoe niha baero; no lataʼoenõi gosali andrõ chõoe, niʼamoniʼõ; no labaliʼõ adoedoela Jeroezalema andrõ. (Jer. 9, 11).

2No labeʼe õ wofo ba daloe mbanoea mboto genonioe andrõ, si mate, ba õ goetoe ndroeʼoe, nõsi zatoelõ tõdõ andrõ chõoe.

3No adoewa ndrora, hoelõ nidanõ, labeʼe si tefasoei Jeroezalema, ba lõ sogoʼo.

4Fangoʼaja zahatõ banoea ndraʼaga, famahera ba famaʼiki zi so ba ngaima. (Sin. 44, 14).

5He Soʼaja, heza iroegi, wa lõ mamalõmalõ wõnoemõ andrõ? Hadia, moehola waʼafõchõ ba dõdõoe andrõ, si mane alitõ? (Sin. 80, 5).

6Ba niha baero, si lõ mangila jaʼoegõ, tandrõsaigõ waʼabao dõdõoe andrõ, ba ba nõri si lõ mangarõfi li tõimõ andrõ. (Jer. 10, 25).

7Noa sa laʼā maʼoewoe Jakobo ba no ladoedoegõ nahiara.

8II. Bõi beʼe horõma golalõw̃a ndra toeama; taʼitaʼi faondragõ chõma waʼahachõ dõdõoe andrõ, noa sa amomó sibai ndraʼaga.

9Tologa, jaʼoegõ Lowalangi fangorifima, bõrõ doeria dõimõ andrõ; orifi ndraʼaga, ba efaʼõ chõma horõma, bõrõ dõimõ.

10Hana wa tola law̃aʼõ niha baero: ”Heza so Lowalangira?” Acha oroma ba niha baero, ba zi so jaʼaga, wolaoe balõ ndro genonioe andrõ, si no moefadoewa! (Sin. 42, 4; 115, 2. Joël. 2, 17).

11Acha iroegi dõgi dalingaoe fangarõngarõ nikoeroe andrõ; orifi mboenoesõ andrõ, ba waʼabõlõ dangamõ.

12Fitoe winaeta soelõni ba zi so ba ngaima, barõ dotora bacha, wangoʼaja andrõ, fangoʼajara jaʼoegõ, jaʼoegõ Soʼaja. (Sin. 137, 7).

13Ba jaʼaga, banoeaoe andre, biribiri nikoebaloimõ, ba lõ mafamalõmalõ wangandrõ saoha gõlõ chõoe, ba madoenõdoenõ doeriamõ, gõtõgõtõ waʼara.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index