Search form

SOERA ZINOENÕ 8

Sinoenõ 8.

Fanoeno sombõi tanõʼa, sangoromaʼõ lachõminia ba niha.

1Chõ doeka wanoeno andrõ. Sinoenõ; chõ Dawido.

2He Jehowa, salaw̃ama, waʼeboea lachõmi dõimõ andrõ, ba goeli danõ, maʼasagõrõ! No õfolachõmi mbanoea si jaw̃a lachõmimõ andrõ.

3No õʼaʼasogõ waʼabõlõ, moroi ba mbewe ndraono ba moroi ba mbewe zi so ba mbagi zoesoe. Bõrõ noedoemõ andrõ. Ba wangõhõndrõgõ si fatioe tõdõ andrõ, awõ zangaloei folaoe balõ andrõ. (Mat. 21, 16).

4Na oefaigi mbanoea si jaw̃a andrõ chõoe, nifazõchi doeroemõ andrõ, baw̃a ba dõfi andrõ, nifataromõ. (Sin. 19, 2).

5Ba hadia niha si mate andrõ, waitõrõ tõdõoe ia? Ba ono niha andrõ, wa õtolo ia? (Sin. 144, 3. Heb. 2, 6—9).

6Ha maʼifoe õʼambõsi ia mege, moroi ba Lowalangi, ba no õfotakoela ia soemange ba faʼamoadoe. (Moz. I. 1, 26),

7No õbeʼe samatõrõ nifazõchi dangaoe andrõ ia; fefoe hadia ia, ba no õbeʼe barõ gahenia. (Mat. 28, 18. Kor. I. 15, 18).

8Biribiri ba õrõbao, fefoe, awõ goetoe ndroeʼoe andrõ.

9Fofo ba daloe mbanoea ba īʼa ba nasi ba hadia zaliw̃aliw̃a ba nasi andrõ.

10He Jehowa, samatõrõ jaʼaga, ha lõ eboea doeria dõimõ andrõ, ba goeli danõ, maʼasagõrõ!

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index