Search form

SOERA ZINOENÕ 81

Sinoenõ 81.

I. Famarooe ba wolaoe owasa chõ Lowalangi; ba II. ba woloʼõ niw̃aʼõnia.

1Chõ doeka wanoenõ andrõ, dali Gititi andrõ; chõ Gasafo.

2I. Milaoe manoenõ chõ Lowalangi fangabeʼeda andrõ, miʼomoesoiʼõ dõdõmi ba chõ Lowalangi Jakobo.

3Milaoe manoenõ ba mibõzi garamba, mifolī ngawalõ mbiola, somasi ita.

4Milaoe zoeroene, ba wasoelõna, ba ba doeli, ba mbaw̃a gowasa andrõ chõda. (Moz. III. 23, 24. 34).

5Hoekoe sa daʼõ ba Ndraono Gizeraëli, nifachoi Lowalangi Jakobo.

6Ba wamadoehoeʼõ ihonogõi ba chõ Josefo, me mõi ia, me itõrõ danõ Miseraji. No oerongo li, si lõ oeʼila, (imane):

7”No oeheta noro andrõ ba hoeloenia, no aheta ba dangania ragaraga andrõ.

8No mangarõngarõ ndraʼoegõ, ba wamakao andrõ, ba no oeʼefaʼõ ndraʼoegõ; no oetema lioe, moroi ba mbaloebaloe mbanoea andrõ; no oetandraigõʼõ ba nidanõ wasosota andrõ. (Moz. II. 17, 7. Moz. IV. 20, 13).

9II. Mifondrondrongo, jaʼami banoeagoe, ba daʼoefadoehoeʼõ chõmi. Enaʼõ na mifondrondrongo chõgoe, jaʼami Iraono Gizeraëli!

10Bõi faloecha ba chõmi Lowalangi bõʼõ, ba bõi mangaloeloe ami ba Lowalangi Ndrawa, baero. (Moz. II. 20, 2. 3).

11Jaʼodo Jehowa, Lowalangimõ, si no molohe mijaw̃a jaʼoegõ, moroi ba danõ Miseraji; faboka mbawaoe, daʼoefoʼõsi.

12Ba lõ nifondrondrongo mbanoeagoe ligoe, ba lõ niʼoʼõ Ndraono Gizeraëli chõgoe.

13Ba no oeloeloe ira, ba waʼabeʼe dõdõra andrõ, ba latõrõ nichoi dõdõra. (Hal. zin. 14, 16).

14Enaʼõ na lafondrondrongo chõgoe banoeagoe andrõ, enaʼõ na latõrõ lala andrõ chõgoe Iraono Gizeraëli!

15Ba lõ ara, ba oehõndrõgõ zi faʼoedoe chõra, ba oelaoe ba zamakao jaʼira andrõ.

16Ba fahoewoe enaʼõ chõra zi fatioe tõdõ chõ Jehowa, ba lõ teboelõ ira, iroegi zi lõ aetoe.

17Ba oebalazoi enaʼõ ira fache si sõchi, ba oeʼaboesoiʼõ ami w̃e w̃ani moroi ba dõgi gara. (Moz. V. 32, 13).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index