Search form

SOERA ZINOENÕ 84

Sinoenõ 84.

Fanoeno feʼamõi ba wamosoemange Lowalangi, ba Ndraono Gizeraëli.

1Chõ doeka wanoenõ andrõ, dali Gititi, ba Ndraono Gora andrõ; sinoenõ. (Ngaʼõt. I. 26, 1).

2Waʼasõchi nahiamõ andrõ, jaʼoegõ Jehowa ngahõnõ!

3Hoemoeloe dõdõgoe, ba weʼamõi ba golajama Jehowa andrõ, olofo. Tõdõgoe ba õsigoe maʼiki, wangondrasi Lowalangi saoeri andrõ. (Sin. 42, 3. 5).

4No isõndra nahia siliw̃i, ba katawaena, ba no isõndra gazoeni chõnia, ba nifonahara onora; naha wameʼe soemange andrõ chõoe, jaʼoegõ Jehowa ngahõnõ, razogoe ba Lowalangigoe. (Sin. 5, 3).

5Jaʼahowoe zonahia ba nomo andrõ chõoe, lasoeno na ndraʼoegõ dania. (Sin. 65, 5).

6Jaʼahowoe, niha, si no mangai faʼabõlõnia jaʼoegõ: lõ olifoe ira lala nitõrõ andrõ.

7Na latõrõ ndraso andrõ si lõ idanõ, ba labaliʼõ si so oemboe; ihawoei howoehowoe teoe sahoelõ andrõ.

8Mowaõwaõ ira, ba tedooedooe waʼabõlõ, ba tánõ fõna Lowalangi ba Ziona so ira.

9(Lamane:) He Lowalangi ngahõnõ, fondrondrongo wangandrõgoe! Beʼe ba dõdõoe, jaʼoegõ, Lowalangi Jakobo!

10Faigi lala, jaʼoegõ Lowalangi baloesema, ba faigi mbawa nibajoinimõ andrõ. (Sin. 72, 15).

11Sõchi zi ha maʼõmaʼõchõ ba golajamamõ, moroi ba zi hõnõ ngaloeo bõʼõ. Omasido ba mbagi nora ba nomo Lowalangigoe mõrõdo, moroi ba nomo zi so horõ so nahagoe. (Sin. 27, 4).

12Loeo ba baloese Jehowa, Lowalangi. Faʼeboea dõdõ ba lachõmi ifaʼema Jehowa. Lõ zi lõ ibeʼe zi sõchi ba zanõrõ lala satoelõ. (Sin. 3, 4; 34, 11).

13He Jehowa ngahõnõ! Ja ahowoe niha, sanõtõna chõoe.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index