Search form

SOERA ZINOENÕ 85

Sinoenõ 85.

I. Iʼandrõ waʼeboea dõdõ Lowalangi sanoenõ andrõ. II. Iʼila gõtõ sohahaoe dõdõ.

1Chõ doeka wanoenõ andrõ, nilaoe Ndraono Gora andrõ; sinoenõ.

2I. No ahachõ dõdõoe mbanoeaoe andrõ, jaʼoegõ Jehowa, no õʼohe mangawoeli niraʼoe andrõ, maʼoewoe Jakobo.

3No õbeʼe aefa lalõ mbanoeaoe andrõ, ba horõra fefoe, ba no õbaloegõ. (Sin. 89, 50).

4No õtaha waʼabao dõdõoe ba no õbõhõli waʼaoechoe wõnoemõ andrõ.

5Foeli asõchi ndraʼaga, jaʼoegõ Lowalangi sangorifi jaʼaga, ba bõhõi wa lõ sõchi dõdõoe chõma!

6Hadia, iroegi zi lõ aetoe edõna mofõnoeʼõ chõma? hadia, lõ mamõhõi wõnoemõ andrõ, gõtõgõtõ waʼara? (Sin. 77, 8).

7Hadia, lõ õfoeli õʼorifiga, enaʼõ omoeso dõdõ mbanoeaoe andrõ chõoe?

8Oromaʼõ chõma waʼeboea dõdõoe, jaʼoegõ Jehowa; ba beʼe boealamõ chõma wangorifi andrõ chõoe.

9II. Daʼoefondrongondrongo hadia niw̃aʼõ Lowalangi, Jehowa; ifaboeʼoe sa waʼohahaoe dõdõ ba mbanoeania ba ba zatoelõ tõdõ andrõ chõnia; ba bõi lafoeli ira ba wajafaja. (Sin. 72, 3).

10Si ndroehoe, no ahatõ wangorifi andrõ chõnia, ba zangataʼoefi jaʼia, enaʼõ monahia zoei lachõmi ba danõma andre.

11Faondra ira waʼeboea dõdõ waʼadoehoe, faʼago bawa ira waʼatoelõ waʼohahaoe dõdõ.

12Aoeri moroi barõ danõ waʼadoehoe, ba ifaigi moroi ba mbanoea si jaw̃a faʼatoelõ.

13Fefoe hadia ia zi sõchi ibeʼe Jehowa, ba iʼoroʼõ mboea zinanõ chõnia tanõma andre.

14Mowaõwaõ fõnania waʼatoelõ, itõngõni lala nibekainia.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index