Search form

SOERA ZINOENÕ 95

Sinoenõ 95.

I. Famarooe ba wanoeno Lowalangi. II. Famangelama, fa bõi laʼabeʼeʼõ dõdõ.

1I. Talaboe, taʼomoesoiʼõ dõdõda ba chõ Jehowa, talaoe maʼiki, bõrõ weʼeweʼe dõdõda andrõ ba wangorifi!

2Taʼondrasi ia wangandrõ saoha gõlõ, taʼomoesoiʼõ dõdõda chõnia ba zinoenõ.

3Lowalangi seboea sa Jehowa, razo seboea, jaw̃a Lowalangi bõʼõ fefoe. (Sin. 96, 4).

4Si so ba danga hoenõ danõ andrõ, sochõ zoezoe hili jaw̃a.

5Sochõ asi andrõ; jaʼia zamazõchi; ba tanõ sabeʼe andrõ, ba no tangania zombõi.

6Talaboe, tafalõgoe tooe ita, mangaloeloe ita, tabalõdoehini tooe danõ, fõna Jehowa, sombõi jaʼita!

7Me no Lowalangida ia, ba me no banoeania ita, rorogõfõnia, nikoebaloi dangania. (Sin. 100, 3. Joh. 10, 27. 28. Heb. 3, 7; 4, 7).

8II. Maʼõchṍ andre, na mirongo linia, ba bõi miʼabeʼeʼõ dõdõmi, si mane ba Meriba no, si mane me loeo wanandraigõ no, ba danõ si mate andrõ,

9ba nitandraigõ ndra toeami jaʼo, me lafaigi zoeʼagoe, he w̃aʼae no laʼila wolaoegoe andrõ. (Moz. II. 17, 2. 7).

10Õfa woeloe fache waʼara aboe dõdõgoe niha andrõ, ba oemane: ”Niha seloengoe tõdõ ira.” Ba lõ aboto ba dõdõra lala andrõ chõgoe.

11Tobali fahõloe ndraʼo, ba wõnoegoe andrõ, (oemane): ”Bõi ja lachamõ wolombase andrõ chõgoe.” (Moz. IV. 14, 22. 23).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index