Search form

SOERA ZINOENÕ 96

Sinoenõ 96.

I. Famarooe ba wanoeno Lowalangi. II. Famaʼeleʼõ faʼasalaw̃ania andrõ.

(Faigi gõi Ngaʼõt. I. 16, 23—33.)

1I. Miʼanoenõ chõ Jehowa, sinoenõ si bohooe. Miʼanoenõ chõ Jehowa, dozi tanõ. (Sin. 33, 3).

2Miʼanoenõ chõ Jehowa, misoeno dõinia andrõ; miʼombachaʼõ wangorifi andrõ chõnia, ero maʼṍchõ.

3Midoenõdoenõ ba niha baero doeriania, ba ba niha fefoe zahõlihõli dõdõ andrõ chõnia.

4Me no seboea Jehowa, ba me no si nangea nisoeno sibai, niʼataʼoefi, jaw̃a Lowalangi bõʼõ, fefoe.

5Lowalangi niha baero andrõ sa, ba adoe; ba Jehowa, ba no samazõchi banoea si jaw̃a.

6Lachõmi ba faʼamoadoe fõnania; faʼabõlõ ba lachõmi ba niʼamoniʼõ andrõ chõnia.

7II. Mibeʼe chõ Jehowa, jaʼami ngawalõ soi niha, mibeʼe chõ Jehowa zoemange ba faʼabõlõ.

8Mibeʼe chõ Jehowa zoemange dõinia andrõ; miʼohe gameʼela ba miʼae ba golajama andrõ chõnia. (Sin. 72, 10).

9Miʼangarõfi li Jehowa, miʼohe wangehao niʼamoniʼõ andrõ; miʼanizinizi fõnania, dozi tanõ.

10Mimane ba niha baero: Razo saʼae Jehowa! Ba no aro gõi golia oeli danõ, tebai mangiwa. Ifatõrõ ba zadõlõ soi niha andrõ. (Sin. 93, 1).

11Omoeso dõdõ mbanoea si jaw̃a, ba maʼiki goeli danõ, moeʼoegoeʼoegoe nasi ba õsinia andrõ. (Sin. 98, 7—9. Jes. 49, 13).

12Ikaraini waʼiki benoea andrõ ba hadia ia ba chõnia; ba fefoe dõla geoe saʼae dania ba gatoea, ba omoeso sibai dõdõ.

13Fõna Jehowa; so ia sa moroi sa, so ia, ba wangoehoekoe õsi goeli danõ. Ihoekoe dania golia oeli danõ ba waʼatoelõ, ba ihoekoe soi niha ba waʼadoehoe andrõ chõnia.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index