Search form

SINOENÕ SEBOEA FAZA

I. Fehoeloe dõdõ zinandra chõ zoniha jaʼia. II. Fahoehoeo ira.

1I. Sinoenõ seboea chõ Zelomo.

2Enaʼõ na faʼago bawa ia chõgoe; no omasiõ moroi ba nagoe waʼomasioe ndraʼodo. (F. 4, 10).

3Amohoea sibai daloedaloe famajoini andrõ chõoe; no fanicha nifadoewa dõimõ andrõ, andrõ wa laʼomasiʼõ ndraʼoegõ ono alawe.

4Dõnisido chõoe; dataʼaliogõ ita! — jaʼodo, ba no iʼohe si bacha chõnia razo. Damalaoe maʼiki, maʼomoesoiʼõ dõdõma chõoe; faʼomasimõ andrõ, ba masoeno, moroi ba wanoenoma agoe; no si nangea, na laʼomasiʼõ ndraʼoegõ!

5Si no aitõ ndraʼo, ba omasiõ zoei, jaʼami ono alawe, banoea Jeroezalema, timba nose Gedara ba timba goloso nose Zelomo. (Sin. 120, 5).

6Bõi mifaigifaigi ndraʼo, wa si no aitõ ndraʼodo, wa no aitõ nõsigoe ba zino. No mofõnoe chõgoe nono ninagoe, ono matoea; no lafataro sanaro kaboe nagoe ndraʼodo — kaboe nagoe chõgōē, ba lõ nitarogõgoe! (Jes. 5, 1 b. t.).

7Ombachaʼõ chõgoe, jaʼoegõ somasi dõdõgoe: Heza õʼohe mbiribiri chõoe? heza molombase ndraʼoegõ, na laloeo? Hana sa wa õbeʼe samaloegõ bawania ndraʼodo ba ngawawá mbiribiri chõ nawõoe?

8Na lõ õʼila, jaʼoegõ fondrege zi sõchi ndra alawe, ba ae si tooe, osisi lahe mbiribiri, ba ohe ba ndroeʼoe nono nambi chõoe, ba zinga nose goebalo.

9II. Timba koedo si alawe chõgoe ba goereta Waraʼo oebeʼe ndraʼoegõ, jaʼoegõ ono alawe si fahoewoe chõgoe.

10Omasiõ ba mboʼõmõ raew̃eraew̃e andrõ, awõ naja ba mbagioe. (Amaed. 2, 9; 6, 21; 16, 16).

11Ba dalafazõchi chõoe raew̃eraew̃e anaʼa, nidoembodoemboi firõ.

12Gõtõ wa doemaodao ba gasonia razo, ba lõ si teboelõ waʼamohoea narawasoe andrõ chõgoe. (Mat. 14, 3).

13Somasido andrõ, ba no timba ngaʼõloe emoeri, sahono ba dotogoe;

14timba mboenga chorema, ba kaboe nagoe Engedi zomasi ndraʼo chõgoe.

15Ha lõ asõchi ndraʼoegõ, jaʼoegõ si fahoewoe chõgoe; ha lõ asõchi ndraʼoegõ! Hõrõmõ andrõ, ba no hõrõ marafadi. (F. 4, 1; 5, 12).

16Ha lõ asõchi ndraʼoegõ, jaʼoegõ ira matoea, somasi ndraʼo, ha lõ omasiõ; doeʼoe saoeri doefoda. (Jes. 33, 17).

17Eoe nomoda, ba no eresi, ba senobari mbagolõ.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index