Search form

Ngiokhem 6

Ngiokhem Asong nou:

1Apaou asam Goaüh asam hau tsandeau ngü tü thoiluttsün ngiokhem nouso apem nungso noin: Asam napküta kihloau noitsün goumchi nai asamüh nung ngiokhem nouso lü ang. 2Asam kihtsün lektso asam si asam thsaosithsosoüh ngo asam hau kiutsün ngiokhem nouso apem angkü Apaou asam Goa alomsan nungaito nung goumchi nai asam laiukü kih-e. 3Israel khaiuniahoiso, nungso tü lüanglu, naiuso nungso tsüokü lükankei! Nungaito asamko aküo apem meikü khu-e, naiuso asam akongting mele tsak iula-e, naiuso Apaou sam paosiposo Goa nou thalotsünli nung jangnyao naiuso liukhiam tsangkü noitsün goumchi nai asam kih-e.

4“Anglu, Oh Israel! Apaou sam Goa to Apaou tsaklu noin. 5Naiuso ni Apaou aGoa da among apem nou, aonthso apem nou, naiuso aoukong apem nou lütsüojin. 6Ngo lonyi asam hau kiutsün athoilut nouso tilaitso labean. 7Nungso ni athsoso hau lütsande. Tilai ni tsamko noi-e, naiuso yamai tsakeikü noi-e, naiuso ni saikü noi taoko, naiuso ni chhi nai noi taoko nungso thaiutha laoshikü lüchite. 8Nungso ni yangshiau thaiutha aphem nai naiuso khakheng nai kelutkü lütaiu. 9Nungso atsam koukheam nouso tü naiuso bekhan nouso tü satlutkü lütaiu.

Angio Tsüangkünso thako Alotsüo:

10“Asam paosiposo Abraham, Isak, naiuso Yakob tü Apaou asam Goaüh thalokü taiutsünli, apaüh asam hau asamüh tsüshankün atsüo- mei noknio nouso hakü goumchi tsak kiu-e. 11Nung tsam nouso ko asamüh tsüyanthiokün jengtsaiu amei nou meankü khiam temkhao nouso hakü noi-e. Naiuso asamüh tsüthom kün sainaoshep naiuso Olip shep piu aimong nouso hakü kiu-e. Tilai Apaou nou asam nung goumchi nai nialokü shi-e, asamüh heau aiutsün alum eppe. 12Ijip goumchi tiai asam sua noiküla, nungai nou Apaou sauüh asam niasankü shin nung asamüh tsübeanao tsangsheikü ataiu. 13Apaou asam Goa lülomsan, naiuso apalu lüamkham, naiuso asam athalotsün apa niankolu lüthalo. 14Asam lemkü noitsün khaiuniahoi nouso goa la amkham. 15Asamüh amaohai goa amkham naito, Apaou amongmat nou asam thako In li shi-e, küta asam moi- semkü lomowane, tiautenai Apaou asam Goa, sau asamko noin, apaüh amao akhengshitsün jeitaiuao tsüshio.

16“Asamüh Masa nai apa lilutsün- li, asamüh Apaou asam Goa lalilu. 17Apaüh asam hau kiutsün ngio- khem nouso apem asamüh angkü theau tsüokü lüthe. 18Apaou nou ti ayam thakü naiuso amei noin ta ngioji nung lüchhi, nungaito asam ko aküo apem meikü khu-e. Apaou nou asam paosiposo tü thalokü taiutsün atsüomei goumchi tengkam asamüh theau shio-e; 19naiuso apaüh thalotaiutsünli, asamüh asam ehso komane.

20Apaou sam Goaüh tiauta ‘sam tü nung ngiokhem nouso apem angkü theau thoilutkü noiküla ta ashiao noitsün atao nouko asam thsosoüh asam tü sange?’ 21Nungai ngüso hau nung lüchite: ‘Sam Ijip nokpao sua hoi noiküla, naiuso Apaou nou apa oukong asong nou sam kipsan. 22Sam nioveiüh apa athanga chhi nouso ep, naiuso Ijip haitü ahat au lümeikü chhitsün, ngüso nokpao naiuso apa khemko noitsün asonghoi khako chhitsün samüh epkü noiküla. 23Apaüh sam paosiposo tü nung goumchi sam hau kiuao thalotaiu- tsün nai sam nialokü shiao Ijip ainou apaüh sam soktham. 24Nungai Apaou sam Goaüh sam tü nung ngiokhem nouso apem angkü theau naiuso apa lomsanau thoilutkü noi- küla. Samüh nung chhi naito apaüh sam shingkhan khütha nai asaita jimkü noi-e naiuso tsüomeikü taiu- kiu-e. 25Goa nou sam tü thoiluttsün apem samüh mongkiukü kankei naito, apa samko mong lengkü noi-e.’

ASIO THSAMLAI

©2005 Bible Society of India

More Info | Version Index