Search form

Aniasan 1

Ijip nai Israel thsoso Thangmangkü Kankei

1Yakob thsoso sauhai momo tsammongso hakü Ijip nai khu nungso nian: 2Reuben, Simeon, Levi, Yihuda, 3Isakar, Zebulun, Benjamin, 4Dan, Naptali, Gad, naiuso Asher. 5Yakob thsoso Ijip nai janthiowantsün Yosep hakü apa tü saitha chetsinyimluttsün apem nai aochinyat. 6Kihkü khutsün atao nouko, Yosep naiuso apa deisinioso naiuso nung ashitsün khaiunia atengting vetao nou thonkü shin. 7Lüko ngüso thsaosithsoso aweau tsüshiokü Ijip goumchi meankü shingkü khu. 8Nungai Yosep thaiutha ngiolat ti tsüngethio hakü nou nokpao tsak Ijip goumchi nai shin. 9Nokpao nou apa khaiuniaso tü ngiom, Nungso Israelhai thso aweau tsüshiokü shingkü iula-iu, nungtiphe ngüsoüh sam mongüh tsüaiutsün chhisanau shiom. 10Ehli sungtaoko ngüso sam ehso ko hakü sam thako li-eküta nung goumchi ainou soianau shiom. Samüh ngüso haove tekkü piakü tsü-iula-ikü lolaokü wanau ayam ajantso yamsanau noin. 11Nungtiphe Ijip haiüh ngüso mongyang lonyapkü wanau thaiutha chhisiya kongkü chhi-iau ngüso khako khaiunia lolutkü wan. Pithom naiuso Rames noknio nouso nokpaohoi thaiutha eheshiu kiuau athang lahshankü taiukiu. 12Ijip haiüh Israel thsoso tü titi thsüokü angja kiu, nungli Israel thsoso haove nai tekkü shingkü goumchi meankü iula.

13-14Nungai Ijip hai Israel thsoso tü hatkü iulatsün tsangkü ngüsoüh Israel thsoso hau aakih nai atsonjek athangmang sua thang nai kosikokü napi. Ijip haiüh Israel thsoso hau tsamlah au naiuso eiu ah-au kiu, naiuso ngüsoüh Israel thsoso chiai atsüojinyang ti tsühan.

15Nungai Ijip hai nokpao nou Ibri hai menyiu nime Shipra si Pua ne sauhai methso chettsün tü paotsangkü noiküla ngüne tü ngiom, 16Ibri nyiuhaiüh methso chet taoko ajeüh tilai hachu-e, nung melothso naito loatkü lüwan, lüko nung methso nou menyiuthso naito laloat. 17Lüko nung menyiu nime nou Goa lun hat nou shioko Nokpao ngio tsüang; nung liko ngüneüh melothso bao aa taiukiu. 18Nokpao nou menyiu nime nou tü jonkü ngiom, Asamüh nung tiauta chhiji? Asamüh tiauta melothso hai aa taiuji?

19Ngüneüh thalakü ngiom, Ibri nyiuhai to Ijip nyiuhai li tsüde, ngüsoüh methso thatü siukü chetkiuji, naiuso ngüso methsoso to sam moshisaokü nou khako chetkiukü khemlowanji.

20Ni nungai nok ehenthso tsak epjimo? Nung ashim nou omane. Ngo nungai khu-e, ni nung athang ehentso tsaklu ta epji naiuso ngo aalokü noi-e.” 21Apaüh thalakü ngiom, “Mei-e, ngo mongchioji. Ngo nung nokthso tsülomo-e. 22Athon nai nokpao nou apa khaiuniaso tü, Ibri hai thso melothso chet taiutsün chikü lokloküta Nail Haiumongai lüyakthiowan lüko menyiuthso hoi to aa lütaiu, ta ngiokhem kium.

ASIO THSAMLAI

©2005 Bible Society of India

More Info | Version Index