Search form

Aniasan 31

Apaou Nejenkhio thaiutha Tsamla Montsünhoi

(Aniasan 35:30—36:1)

1Apaou nou Mosa tü ngiom, 2“Hur thsao nou Uri thso, Bezalel tü niankü Yihuda kaumong ainou Ngo chosaniu, 3naiuso Ngo apa jü oukong nou meani-iu.Ngo apa hau jengtsaiu in amomo shansantsün thaiutha angelatsün, amontsün, chhi shiotsün kiu-iu. 4Alengyam amon- ting shanao naiuso nungso chaiou lakkeng nai, tangkason nai, naiuso taoson lung shantsün nai, 5naiuso anoilut ao thaiutha chaiou lung, naiuso pai chhi chhiao, naiuso amao in amomo shansantsün thaiutha kiu-iu. 6Apa ko aikü chhiao Oholiab thso nou Ahisamak, Dan kaumong ainou lüko Ngo shingsaniu. Ngo chhiao thoiluttsün alum ngüsoüh shiokü hao ngo amaohai apem hao lüko chhi in amomo shansanao mon- tsün naiuso chhi chhiao ashiotsün asongting kiu-iu. 7Apaou Nejenkhio nou, Athalou-e Paidan naiuso akap nou, Nejenkhio alengmeikü shanao nou apem, 8Puo nou naiuso nung shanao jengtsaiu nou, chaiou lakkeng tson taiutsün, naiuso nung shantsün jengtsaiu nouso, angan- nyam jahtsün thaiutha amthang nou, 9ajahtsün chaithio thiotsün amthang naiuso nung shanao nou jengtsaiu nouso atsawanao thetsün chio naiuso nung noiluttsün, 10Aron naiuso apa thsoso tilai ngüsoüh meson ayathsüotsün taoko kankeiao thaiutha ameiting neshe shitho nouso, 11atsomkiutsün khaiutsom, naiuso Asio Thang thaiutha anyao- thing nyam sungkü jahtsün nungso shanao kiu-iu. Nungso chhisiya apem nouko, Ngo ni tü thoiluttsünli tongtü ngüsoüh chhiao noin.”

Chinyatnyi, nung Aalo Ajekhaiu

12Apaou nou Mosa tü, 13Israelhai tü ngio ao thoilutkü ngiom, “Jü Ano Chinyatnyi nou lükankei, nung Jü aalo ajekhaiu, tiautenai Ngo, Apaou, nou asam Jü khaiunia iula-itsün ta ii tsak Ngo naiuso asam jetko noin ta ashiao noitsün apem thaiutha hanao shan. 14Asamüh aalo ajekhaiu nou kankeiao noin, tiautenai nung asio ajekhaiu noin. Sauhaiüh nung tsükankei-e, naiuso nung ajekhaiu ko chhi nou chhi-e, nung khaiunia meshenhoi ainou loatkü wanane. 15Asamüh chhi chhiao ajekhaiu louk noin, lüko ajekhaiu chinyatnyi nou to Ngü tü thumkü losiokü taiutsün aalo ajekhaiu nou noin. Sauüh nung ajekhaiu ko chhi chhi-e apa to loatkü wanao noin. 16Israel khaiuniahoi nou nung ajekhaiu nou athalu-etsün ii tsakli kankeiao noin. 17Nung Ngo naiuso Israel jetko tsüli-eshikün ii tsak noi-e, tiautenai Ngo, Apaou nou aün naiuso goum nung ajekhaiu louknyi nouko shan küta chinyatnyi nouko Ngo achhitsün ainou aalo.”

18Tilai Goa nou Sinai King nai Mosa ko ngio chitekhem, apaüh Mosa hau apa pemüh sattsün ngiokhem nouso satkü lungkhio nime kiu.

ASIO THSAMLAI

©2005 Bible Society of India

More Info | Version Index