Search form

Aniasan 38

Ajahtsün Chaithio thaiutha Amthang shan

(Aniasan 27:1-8)

1Ajahtsün chaithio kiuao thaiutha apaüh akacia pai nou amthang tsak shan. Nung atheng nai phasab pungo, atham nai phasab pungo, naiuso atsok nai phasab süme ta shan. 2Apaüh atsok nai ano püle nouso athat shan, nungtiphe nungso amthang nou tsak haulu thekü iula. Nung chikü taoson lung nou nyingjei. 3Amthang nai hau jengtsaiu nungso shan: lak, chap, chio, akhojeitsün, naiuso inkaio kankeitsün jengtsaiu apem apaüh taoson lung nou shan. 4Apaüh taoson lung nou amthang kheiai taiuao shansan, nungüh amthang nou awemko thatso sungsaokü noiküla. 5Apaüh api kei ao ang püle shan küta aniokun püle nai nung lolut. 6Apaüh api keitsün pai püle nouso taoson lung nou nyingjeikü akacia pai nou shan, 7küta ano pungkü ang püle nai nung chinthio. Nung amthang nou akacia pai nousoüh shan küta akhan losat.

Taoson Chiokom

(Aniasan 30:18)

8Menyiu sauhai Apaou ün Nejenkhio bekhan ko yathsüokü noiküla, nungso ün sosaiu tsangkü apaüh taoson lung chiokaoh naiuso nung chio noitaiutsün shan.

Apaou noitsün Nejenkhio thaiutha Kuokiap

(Aniasan 27:9-19)

9Apaou Nejenkhio thaiutha akhongjeiao apaüh amatchai ne amei tsak nou shan. Ajepekki nai khongjeitsün ne phasab tsom tsak, 10nung taoson lung kheam eknime nou noiluttsün chonsiang eknime naiuso kin nouso tangkason nou shan. 11Ajenapki nai hau lüko akhongjeitsün to wekülu noiküla. 12Ajenap nai ne akhongjeitsün phasab aopungo laiukü kheam che naiuso nung noiluttsün che tangkason nou shantsün nung akhojei tsün naiuso kin nou noiküla. 13Ajepek nai anaptsün bekhan khongjeitsün phasab aopungo noi- küla. 14-15Akhongjeitsün ne bekhan pungkü nai phasab chekü pungo noiküla, nung kheam süme naiuso anoiluttsün süme noiküla. 16Apem lemkü khongjeitsün ne nouso amat- chai nou shankü noiküla. 17Kheam noilutao nouso taoson lung nou shan, naiuso kheam achiai kapjeitsün, akhiangjeitsün, naiuso kin nouso tangkason nou shan. Akhongjeitsün lemkü kheam nouso apem tangkason nou ta jippekü shan. 18Anaptsün bekhan khongjeitsün ne amatchai asangnya nou lakü, nyakhaokü, naiuso aseng emok ewoi jipon nou alengyam lolutkü shan. Nung akhongjeitsün ne nou atheng nai phasab eknime, naiuso atsok nai pungo ta noiküla. 19Nung taoson lung anoiluttsün püle nou kheam püle nouso tü mongkü noiküla. Nungso akhojeitsün, achi kiaptsün, naiuso kin nouso tangkason nou shan. 20Nejenkhio thaiutha pai nouso naiuso kengchiai kiaptsün apem taoson lung nou shan.

Apaou noitsün Nejenkhio nai Son kankeitsün

21Apaou Nejenkhio shanao jengtsaiu ongko dun nungso noin: nungai Ngiokhem che nouso satlut nou lungkhio nime taiuküla. Nung dun nouso Mosa tsangkü ashanao ngiokhem kiu küta meson Aron thso Itamar ün ayamhan khemko Levi hoi nou chhisan.

22Yihuda kaumong ainou Hur thsao, Uri thso nou Bezalelüh nung Apaou nou thoiluttsün alum shan. 23Apa hachutsün, Dan kaumong ainou Ahisamak thso Oholiabüh asatluttsün, alengyamlutau, ne sangnya amatchai, nyakhaokü naiuso emok ewoi aseng shansantsün chhisiya nouso shan.

24Asio Nejenkhio chaiou lakkeng apem tsoi heng tsak nou apin tsoithat tsangkü thatküta Apaou tü alosiotsün lokü taiu. 25Tangkason nou khaiuniahoi vetao ling ainou apin tsoithat tsangkü 3, 430 tsoi thatsan. 26Nung chiai khaiuniahoi vetao ling nai niansat taiutsün pungkü nou kiutsün vetao ling nai sattsün apem nouko wekü noiküla, nung apin tsoithat nai khakhakü that. Nungai achetpon eknime ngoitsün khaiunia haove 60, 3550 noiküla, naiuso nungso khengai nou pon lüko vethiohakü noiküla. 27Asio Nejenkhio noilutao tangkason tsoi 3, 400 nou anoilutao tsom tsak shan, nung anoilutao pungkü naiuso ne khongjeiao thaiutha tangkason tsoi aosamkü püle lokü noiküla. 28Tangkason apoi tsoi aosam nou Bezalelüh kin akhongjeitsün nouso kheam naiuso achiai sojeiao thaiutha shan. 29Apaou tü losiokü taiutsün taoson lung nou apem nai tsoi 2, 425 noiküla. 30Nung tsangkü apaüh Apaou noitsün Nejenkhio nai napao bekhan noiluttsün shan, amthang shanao jengtsaiu apem taoson lung nou lasankü shan. 31Amthang lemkü bekhan kiaplo nai noitsün naiuso anaptsün bekhan mongai kiaplotsün thaiutha naiuso Nejenkhio thaiutha pai nouso apem naiuso nung be kiaplotsün thaiutha noiküla.

ASIO THSAMLAI

©2005 Bible Society of India

More Info | Version Index