Search form

Apung 36

Esau Thsaosithsoso

(1 Ateng Chhi 1:34-37)

1Nung Esau thsaosithsoso noin: loüh nung tü Edom ta lüko jonji. 2Esauüh Hit hai nou Elon thso menyiuthso Ada ta niankü, Kanan nyiuhai tsamsigoh yang, naiuso Hiv hai nou Zebeon thso Ana menyiuthso Oholibama; 3naiuso Ismael thso menyiuthso Nabaiot anio nou Basmat. 4Naiuso Adaüh Esau hau Elifaz chetkiu, naiuso Basmatüh Reul chetkiu; 5naiuso Oholibamaüh Jeus, Jalam naiuso Kora chetkiu; nungso Esau thso: Kanan goumchi ai nai apa hau chetkiu.

6Nungai Esauüh apa tsammong- nyiuso, thsoso, menyiuthso nouso, naiuso apa tsamai noitsün khaiunia apem, apa eiu ai taiutsün thainian, naiuso Kanan goumchi nai noi taoko nai thaloutsün jengtsaiu alum lokü apa nio Yakob ainou amao goumchi ai khuwan, 7tiautenai ngüso ün liuai taiutsün thainian piakü noiphe ngüsoüh aikü kamkeikü yamheau thsanyan nou tsüsaiushikü iula, 8nungtiphe Esau Edom king goumchi nai kih.

9Nung Esau Edom hai paoteng thsaosithsoso: 10-13Esau tsammongnyiuüh apa hau melothso tsak Elifaz tü niankü chetkiu; naiuso Elifaz tü melothso pungo chetlut: ngüso– Teman, Omar, Zepho, Gatam, naiuso Kenaz noiküla. Naiuso amao tsammongnyiu tsak nou: Timna, ta niankü chetkiu, apa tü loüh melothso tsak chetlutshi, apa nian Amalek.

Esau tsammongnyiu Basematüh melothso tsak chetkiu–apa nian Reul, naiuso Reul tü melothso püle chetlutshi ngüso: Nahat, Zera, Shamma, naiuso Mizza noiküla.

14Naiuso Zibeon thsao Ana thso menyiuthso Oholibama, nung Esau tsammongnyiu-apaüh Esau hau Jeus, Jalam naiuso Kora chetlutkiu.

15Nungso mele nouso Esau ainou nyimsantsün noin: Esau thso yamchong Elifaz–apa nungso mele nouso paoteng nou noiküla: Teman, Omar, Zepho, Kenaz, 16Kora, Gatam, naiuso Amalek. Nungso apem Esau tsammongnyiu Ada tü chetsinyimtsünso noin.

17Esau thso Reul nungso mele poteng iula: Nahat, Zera, Shamma, naiuso Mizza. Nungso apem Esau tsammongnyiu Basemat tü chetsinyimtsünso noin.

18Ana thso Esau tsammongnyiu Oholibama tsangkü nung mele nouso nyimsan: Jeus, Jalam, naiuso Kora. 19Nung mele nouso apem Esau ainou nyimsan.

Seir Thsaosithsoso

(1 Ateng Chhi 1:38-42)

20-21Hor hai nou Seir thsoso, goumchi nai noitsün nung: Lotan, Shobal, Zibeon, naiuso Ana, Dishon, Ezer, naiuso Dishan. Nungso Seir thso Hor hai nou Edom goumchi nai sungtsün akengting ayalo nouso.

22Lotan nung Hori naiuso Heman kau nouso poteng noiküla (Lotan nio menyiuthso nian nou Timna noiküla.)

23Shobal nung Alvan, Manahat, Ebal, Shepho, naiuso Onam kau nouso poteng noiküla.

24Zibeon thso melo nime noiküla, ngüso–Aja naiuso Ana (Ana nung apa po ün gado hoi jimkü noi taoko liutsa nai khiamlam chetsantsün haiu epsantsün noiküla.) 25-26Ana nung Dishon po noiküla, apa Hemdan, Esban, Itran, naiuso Keran kau nouso paoteng noin. Apa thso menyiuthso nou Oholibama noiküla.

27Ezer nung Bilhan, Zavan, naiuso Akan kau poteng noiküla. 28Dishan nung Uz naiuso Aran kau paoteng noin.

29-30Edom goumchi nai Hor mele nungso noiküla: Lotan, Shobal, Zibeon, Ana, Dishon, Ezer naiuso Dishan.

Edom hai Nokpao nouso

(1 Ateng Chhi 1:43-54)

31-39Israel nai nokpao motsaloukü naita Edom goumchi naito nokpao hoi li-ekü shingkü shitsün nungso noin:

Dinhaba ainou Beor thso Bela,

Bozra ainou Zera thso Jobab,

Teman khiamkhan ainou Husham,

Avit ainou Bedad thso Hadad (apaüh Moab hai goumchi nai ehli nai Midian hai shiolokü noiküla.)

Masreka ainou Samla,

Rehobot khiam-sai-ainou Shaul.

Akber thso Baal Hanan,

Pau ainou Hadad (apa tsammongnyiu Mazahab thsao Matred thso Mehetabel noiküla.)

40-43Esau nung Edom hai mele paoteng noiküla: Timna, Alva, Jedet, Oholibama, Ela, Pinon, Kenaz, Teman, Mibzar, Makdiel, naiuso Iram. Nungso mele pungkü sauhai tiai kihkü noin, nung mele nian nou ngüso nianphi jonkü noin.

ASIO THSAMLAI

©2005 Bible Society of India

More Info | Version Index