Search form

Haove 14

Khaiuniahoi nou Namnam

1Nungh asoh chikü khaiunia- hoi nou sang songkü vekü mongsaiu. 2Ngüsoüh Mosa si Aron netü namnamkü ngiom,

“Ijip nai tsüdekünai nungko liutsa nai ean naibao thatü chenela!. 3Apaou nou sam nung goumchi ai tiauta nialokü khuji? Sam ehli nai loatkü wane, naiuso sam tsammong- nyiuso si sam thsoso thalowane. Ijip nai laokü khushiao meitsokü tsüde süne? 4Nungtiphe ngüso tsak si tsak chitekü ngiom, Samüh ahei tsak choloküta Ijip nai laokü khuko!”

5Nungai Mosa si Aron ne khaiuniahoi apem khako goh ai kaukü nap. 6Nungko Nun thso Yihusua naiuso Jefune thso Kaleb akauthahoi ongko khaiunia nime, ngüneüh amongkia nou ngüne neshe chipek, 7küta khaiuniahoi nouso tü ngiom, “Samüh sailukü shitsün goumchi usokkü meitsün goumchi tsak noin. 8Apaou mong lengtsün samko hanaito, apaüh sam nungai nialokü khu-e naiuso sam hau nung atsah naiuso iiu goumchi nou kiu-e. 9Apaou thako khengshikü lathe naiuso nungai kihtsün khaiuniahoi tü hatkü lanoi. Samüh ngüso siu- demeikü shiolowane.” 10Hoikam athum nou ngüso lung nou yakkate ta lohattsün taoko, alekta Nejenkhio khütha nai khaiuniahoi nou Apaou hatsün ajinka awon epkü noiküla.

Mosaüh Khaiuniahoi thaiutha Misaoji

11Apaou nou Mosa tü ngiom, “Nung khaiuniahoi nou tilektso Ngo lean-e? Ngüso ongko Ngo athanga chhisiya piakü chhi lüko, ngüsoüh Ngü tü monglamao tilektso shanane? 12Ngo akia tsak nou ngüso loate, lüko Ngo ni ngüso oukong chiai mele tsak po shankiu-e!”

13Lüko Mosaüh Apaou nou tü ngiom, “Ni nung khaiuniahoi nou Ijip ainou aoukong tsangkü nialokü shin. Tilai Ijip haiüh ni akhaiuniaso ti chhin nung lulaji, 14ngüsoüh nung thaiutha nung goumchi nai kihtsün khaiuniahoi hau chite-e. Nung khaiunia nousoüh Apaou ni, samko hakü noin ta lula-aniu, nung athengmia sam khütha nai laokü noi nai ngüsoüh tsangsheikü epio, nung- ko anyi taoko ni thengmia kheam mongai noikü sam khako khuji naiuso asoh taoko In kheam tsangkü khuji. 15Lo, ni nung akhaiuniaso apem loattan naito, anian asong thaiutha lulatsün mele nousoüh 16ni akhaiuniaso hau kiuao thaloutaiu- tsün goumchi nai nialokü napao tsüshiokü akhaiuniaso apem liutsa nai loattan ta ngio-e. 17Nungtiphe lo, Apaou, ngo nitü kojaji, sam hau aoukong ahan naiuso ni thalotsün taoko ti ngioküla nung lüchhi.”

18“Ngo, Apaou, shakta tsümong- mat, naiuso atsüojinyang nai saiukü, angei suntsün naiuso ngiokhem lo- thetsün aphio wankiuji. Lüko ngüso paosipo nou suntsün angei thsoso khako, vetao süme si vetao püle saokü nou ta ngo angja tsükiukü to tsülaowe. 19Naiuso lo, Apaou, ni asongting naiuso tsüli-eshitsün atsüojin tsangko ngüso Ijip wankü khutsün khako nou saokü angei ngüso hau wankiukü shitsünli, nung khaiunia nouso angei awankiu ta ngo kojaji.”

20Apaou nou thalakü ngiom, “Ni kojatsünli ngo ngüso angei wankiu-e. 21Lüko Ngo atsüoting aa noitsünli, naiuso ngo atsüoting hakü noitsünli, goumchi apem jü ajinka nou meanne, 22naiuso nungso khaiuniahoi sauühtso nung goumchi nai napao shiokü aakih tsünoi-e. Ngüsoüh ngü hatsün, naiuso Ijip liutsa nai ngo athanga hantsün ajinka nou epiu, lüko ngüsoüh jümongau laiu nou tü lolokü thelu naiuso ngü tü angio angao tsüaiu. 23Ngo ngüso paosiposo tü thalotaiutsün goumchi nai ngüso tilaitso tsünape. Ngo wanantsün saulünou nungai tsünape. 24Lüko Ngü yathsüotsün Kaleb saisile amao haiko nai apa tü mothikü noi nou shioko, apaüh sailukü shitsün goumchi nai ngo apa niathio-e, naiuso apa thsaosithsosoüh goumchi 25lo Amalek hai naiuso Kananhai kihtsün tsamei nou thalo-e. Lühom asam laokü ashi küta Agaba yam dongai liutsa nai asam lünap.”

Anamnamtsün thaiutha Apaou ainou Angja

26Apaou nou Mosa si Aron netü ngiom, 27“Nung akausai khaiuniahoi nou jükhako tilektso namname? Ngo nungso namnamtsün lula-iu! 28Lo ngüso hau nung athashitsün lükiu:

“‘Ngo aa noitsün lektso asamüh ti sang, nung ngo asam tü chhi-e ta Ngo, Apaou, nou chitekü ngiomong shingji. 29Asam eane küta asam mea nouso nung liutsa nai mowane. Tiau- tenai asamüh jüthako namnamphe, asam achetpon eknime khengai nouso saulünou nung goumchi nai tsünape. 30Ngo asam nung goumchi nai kih-iao thaloum, lüko Kaleb naiuso Yihusua tü simkü asam tsaktso tsünape. 31Asamüh asam thsoso ehoi nou thalowane ta ngiom, lüko asamüh wanantsün nung goumchi nai ngo ngüso niathio-e, küta nung goumchi ngüso tsamao iula-e. 32Asam nung liutsa nai eane. 33Asam aphiteng tsak nou moean- kün lektso, asam mong tsülamtsün thaiutha angjakü, asam thsoso nung liutsa nai pon aopüle tsakei-e. 34Asam pon aopüle asam angei mai angja-e. Ajekhaiu tsak nou pon tsak thaiutha asamüh goumchi nou tü sailukü wanane. Asamüh Ngü tü ti thaiutha khengshikü noiküla nung ngela-e. 35Ngo nung asam akausai khaiuniahoi jü thako aikü kamsankü noin nung thaiutha asam tü chhi-e ta ngiomong shinge shankü ngioji. Asam chikü nung liutsa nai eane. Ngo, Apaou, nou nung ngiowaniu!’”

36-37Mosaüh goumchi sailuaohongtsün khaiuniahoi nou tsüthakünngiongem kankü shin, nungshiokokhaiuniahoi nou APAOU thako namnamaoiulakü noiküla. Nungtiphe Apaounou ngüso tü akia tsak noushiuh naiuso ngüso ean. 38Akautha chekü nime ongko Yihusua si Kaleb nelu poisan.

Shiolokü napao Chongting Kowetsün

(Ngiokhem 1:41-46)

39Tilai Mosaüh Israelhai hau Apaou nou ngiotsün chite, ngüso tha- tü thsüokü mongsaiu. 40Nungthan nyap ahom beta ngüso king goumchi komheau nung ngiokü tsaloji:

“Lo sam Apaou nou sam tü chitetsün athang thaiutha khuau khemloji. Tiautenai samüh angei sunlo-iu.”

41Lüko Mosaüh ngiom, “Ashio tsüepe ta asamüh ngekü tiauta Apaou nou thoiluttsün asamüh lo- theanau mongchiokü khuji! 42Asam lakhu; Apaou asam ko hakü tsünoi, naiuso asam ehoiüh asam shioheane. 43Asamüh tilai Amalek hai naiuso Kananhai phetee, asam ehli nai eane; Apaou nou asam ko tsüha-e tiautenai asamüh apa tü hoilutao tsümong- chio.”

44Lüko ngüsoüh nyah, ta king goumchi nai mongdem sungh, nungti lüko Apaou Athalou-e Paidan naiuso Mosa saothang ainou tsalokü tsükhu. 45Nungai Amalek hai si Kananhai nungko kihkü noiküla ngüso shikü Israelhai tü poküta ngüso shiohean, küta ngüso tü Horma saokü komkü khu.

ASIO THSAMLAI

©2005 Bible Society of India

More Info | Version Index