Search form

Haove 25

Israel Khaiuniahoi Peor nai

1Tilai Israelhai Akacia Tsamei nai asaothang shankü noi, khaiunia hoi nou nungai noitsün Moabhai menyiuhoiko ajisiwop chhi chhiao yachu. 2Nung menyiuhoi nousoüh Moabhai goa hau loatkü amkham kiutsün sümai nai ngüso jonkü noiküla. Israel haiüh chih- sikhiam heshiu haküta 3Peor nai Baal goa tü amkham. Nungtiphe Apaou ngüso tü mongmat 4küta Mosa tü ngiom, “Israel aheihoi apem jonkam küta, Israel thako Apaou amongmattsün laoloau thaiutha, ngüso Apaou thaiutha ahom beta lüloat, nungai ngo khaiuniahoi nouko tsümongmat shi-e.” 5Mosaüh aheihoi nouso tü ngiom, “Asamüh asam mele pungkü nai nou Peor nai Baal goa amkhamtsün khaiunia apem lüloat.”

6Ngüso Apaou noitsün Nejenkhio bekhan dongko mongsaiukü noitao, Israelhai ongko khaiunia tsaküh Midiahai menyiu tsak Mosa naiuso hoikam athum khako apa nejenkhio nai nialokü shin. 7Tilai meson Aron thsao Eleazar thso Phinehasüh nung ep, apa mongmat sungkü ngüso akam asong nou lean. Apaüh lai tsak semkü 8nung khaiunia naiuso menyiu netü hoilutkü nejenkhio nai nap, küta ngüne nemtso tü lai nou lang. Nungli Israel lotheantsün imkia tsak lolao, 9lüko nungtin aküo tsangkü khaiunia heng 24, 000 to loatankü noiküla.

10Apaou nou Mosa tü ngiom, “Tiautenai Phinehasüh ti chhin, nungüh ngo loto Israelhai tü tsü- mongmat shi-e. 11Apaüh Ngü tü simkü amao goa amkhamtsün jei- taiuao tsüshio küta nung shioko ngo ngüso ko tsümongmat shi-e. 12Nungtiphe ngo apako ashiao noi- tsün atao apem saokü hao athalou-e tsak shane ta apa tü lüngio. 13Apa naiuso apa thsaosithsoso asaita meson theao shankiu-iu, tiautenai apaüh ngü tü khengshitsün sau jeitaiuao tsüshio naiuso Israel thsoso apem hau angei wankiuao thaiutha chhisiya chhin.”

14Israelhai nou sau Midianhai menyiu ko aikü loatan, apa Simeon kau mongko ahei Salu thso Zimri noiküla. 15Nung menyiu nou Midian kau mongko ahoi tsak ko atengting nou Zur thso Kozbi ta niankü noiküla.

16Apaou nou Mosa tü thoilutkü ngiom, 17“Midianhai tü lükom küta ngüso lomokü lüwan, 18tiautenai Kozbi sau Peor nai imkia taoko loat, naiuso tilai asam Peor nai kausaiat, nung taoko ngüsoüh asam tü tsü- meikü kankei nou shioko noiküla.”

ASIO THSAMLAI

©2005 Bible Society of India

More Info | Version Index