Search form

Haove 26

Vetaoling Haove Müjam nou

1Imkia phiai Apaou nou Mosa naiuso Aron thso Eleazar tü ngiom, 2“Israel hoikam athum pothso pothso lingkü melohai achetpon eknime tsüdekünai nung khengai nouso sauhai süpai chhisiya nai omkü noin nungso vetaoling haove lülo.” 3-4Mosa naiuso Eleazar neüh angiotsün angkü, nung chhisiya thaiutha pon omkü noitsün jonkam. Ngüso Yeriko ainou Yordan Haiu yankü Moab Tsamei nai kamshin.

Ijip ainou shikhutsün Israelhai nungso noiküla:

5Reuben kau (Yakob thsoyam- chong) tü chetsinyimtsün: Hanok kau, Pallu kau, 6Hezron kau, Karmi kau, 7nung kau nouso haove melohai=43, 730 noiküla. 8Pallu tü chetsinyimtsünso=Eliab 9naiuso apa thsoso Nemuel, Datan naiuso Abiram (Nung Datan si Abiram ne hoikam nou chosantsün noiküla. Ngüsoüh Mosa si Aron ne lochikiu naiuso Kora tü hoilut, nungai ngüsoüh Apaou tü khengshi. 10Goh nou pai küta ngüso miolian, naiuso ngüso Kora ko tilai khaiunia 250 in nou jah-ankü ean; nung ngüso chhisiya hoi thaiutha alotsüoao iula. 11Lüko Kora thsoso to tsüloatkü noiküla.)

12Simeon kau nai pothso pothso janetsün: Nemuel pothso, Jamin pothso, Jakin pothso, 13Zera pothso, naiuso Shaul pothso, 14Nung pothso nouso haove melohai= 22, 200 noiküla.

15Gad kau ai pothso pothso janetsün: Zefon pothso, Haggai pothso, Shuni pothso, 16Ozni pothso, Eri pothso, 17Arod pothso, naiuso Areli pothso, 18Nung kau nouso haove melohai= 40, 500 noiküla.

19-21Yihuda kau ai pothso pothso janetsün: Shela pothso, Perez pothso, Zera pothso, Hezron pothso, naiuso Hamul pothso (Yihuda thso nime Er naiuso Onan ne Kanan goumchi nai ean) 22Nung kau nouso haove melohai= 76, 500 noiküla.

23Isakar kau ai pothso pothso janetsün: Tola pothso, Pua pothso, 24Jashub pothso, naiuso Shimron pothso. 25Nung kau nouso haove melohai= 64, 300 noiküla.

26Zebulun kau ai pothso pothso janetsün: Sered pothso, Elon pothso, naiuso Jalel pothso. 27Nung kau nouso haove melohai= 60, 500 noiküla.

28Yosep(Manase si Efraim ne Po) kau ai pothso pothso janetsün:

29Manase pothso: Manase thso Makir nung Gilead Po noiküla. Gilead ainou nungso paosipo naiuso pothso nouso sungh:

30Iezer pothso, Halek pothso, 31Asriel pothso, Shekim pothso, 32Shemeda pothso, naiuso Hefer pothso, 33Hefer thso Zelofehat tü me- lothso tsüchetlut, lüko menyiuthsolu chetlutkiukü noiküla. Ngüso nian nungso noin: Mahla, Noah, Hokla, Milka, naiuso Tirza. 34Nung kau nouso haove melohai= 52, 700 noiküla.

35Efraim kau ai pothso pothso janetsün: Shuthela pothso, Beker pothso, naiuso Tahan pothso, 36Eran pothso nung Shuthela ainou nyimsan. 37Nung kau nouso haove melohai= 32, 500 noiküla.

Nung kau nouso Yosep ainou nyimsantsün noiküla.

38Benjamin kau ai pothso pothso janetsün: Bela pothso, Asbel pothso, Ahiram pothso, 39Shefufam, naiuso Hufam. 40Ard naiuso Naman kau nouso Bela ainou nyimsan. 41Nung kau nouso haove melohai= 45, 600 noiküla.

42Dan kau ai pothso pothso janetsün: Shuham pothso, 43Nung kau haove melohai= 64, 400 noiküla.

44Asher kau ai pothso pothso janetsün: Imna pothso, Isvi pothso, naiuso Beria pothso. 45Heber naiuso Malkiel kau Beria ainou nyimsan. 46Asher thso menyiuthso tsak nian nou Sera noiküla. 47Nung kau nouso haove melohai= 53, 400 noiküla.

48Naptali kau ai pothso pothso janetsün: Jazel pothso, Guni pothso, 49Jezer pothso, naiuso Shilem pothso. 50Nung kau nouso haove melohai= 45, 400 noiküla.

51Apem kamko Israelhai haove melohai = 601, 730 noiküla.

52Apaou nou Mosa tü ngiom, 53“Goh nou kau nouso mongko momohoi asong ehen likü lüjanthat. 54-56Goh nou phongde tsangkü lüjanthat, küta haoson asong nou kau asong hau naiuso haoson ehen nou kau ehen hau ta lüsonkiu.”

57Levi kau mongko pothso janthattsün: Gershon pothso, Kohat pothso, naiuso Merari pothso, 58Ngüso thsaosithsoso ko Libni pothso, Hebron pothso, Mahli pothso, naiuso Kora pothso nouso noin. Kohat nung Amram Po noiküla, 59apaüh Levi thso menyiuthso Jokebed sau Ijip nai noi taoko chet apa tsamsigoh yang. Naiuso apaüh Amram hau melothso nime Aron si Mosa ne naiuso menyiuthso tsak Miriam chetkiu. 60Aron tü melothso püle chetlut: Ngüso Nadab, Abihu, Eleazar, naiuso Itamar noiküla. 61Nadab naiuso Abihu ne tilai ngüneüh Apaou hau tsüsiokün in chaithio thio, nungai ean. 62Levihai melothso alei tsak tsüdekünai nung khengai nouso haove nai= 23, 000 noiküla. Ngüso amao Israelhai ainou mothikü haove nai welo, tiautenai ngüso hau Israel nai tengkam titso tsükiuha.

63Nung kau nouso Mosa si Eleazar neüh tilai ngüso Yeriko tü lalutkü Yordan Haiu yankü Moab Tsamei nai Israelhai vetaoling haove lokü noiküla nung taoko satlokü taiu. 64Nungai Sinai liutsa nai noi taoko chongting vetaoling Mosa naiuso Aron neüh velotsün mongko nou khaiunia tsaktso tsüsa ankü noiküla. 65Apaou nou ngüso apem liutsa nai eane ta ngiokü noiküla, naiuso Jefune thso Kaleb si Nun thso Yihusua netü simkü ngüso apem ean.

ASIO THSAMLAI

©2005 Bible Society of India

More Info | Version Index