Search form

Haove 33

Ijip Ainou Moab ai Khutsün

1Mosa naiuso Aron neüh niakü Israelhai Ijip goumchi wankü khu nai, ngüso athang athang nai shaman shamankü khutsün ngiolat nungti noin: 2Apaou nou thoiluttsün ko, Mosaüh Israel haiüh asaothang atao pungkü shantsün athang nian nouso satkü noiküla.

3Israelhai Ijip goumchi ainou tsalokü khutsün nung chongting alei ajekhaiu ve chekü pungonyi, chong- ting Aasan sümai ajekhaiu tü thankü noiküla. Apaou nou hükü ngüso Rames noknio ainou Ijip haiüh epkü tsalo, 4nungai Apaou nou loattsün melothso yamchong nouso khanan taoko noiküla. Nung chhisiya tsang- kü Apaou nou Ijip hai goa oukong ko naito Apa oukongthso noin ta han.

5Israelhai Rames ainou tsalokü khuküta Sukot nai asaothang shan. 6Nungthanko ngüso asaothang nou singtso goh thun Etham nai shan. 7Nung ainou ngüso Baal Zefon tü ajepek nai Pi Hahirod ai laokü shi, küta Migdol shimkü asaothang shan. 8Ngüso Pi Hahirod wanküta Aseng Khiamnok yankü Shur singtso goh mongai napkü khu, nungko ngüso ajekhaiu samnyi tsakei küta ngüsoüh Mara nai asaothang shan. 9Nung ainou ngüso saotsün Elim athang ai khu, tiautenai nungai haiungan chekü nime naiuso mepai aochinyat samkü noiküla.

10Ngüso Elim wankü khuküta Suez khiamjet shimkü shaman. 11Nungthan ko ngüso saothang nou Sin singtso goh nai noiküla. 12Nungthan ko ngüso Dopka nai shaman, 13naiuso nungthan ko Alus nai shaman. 14Nung thanko Refidim nai, tiko ngüso thaiutha khiam ashiu ao tsünoiküla nungko shaman.

15-37Refidim ainou Hor King ai ngüsoüh asaothang nung athang nouso ko shan: Sinai singtso goh nai, Kibrot Hatava, athat, (Achinektsün Eetam) nungko, Hazerod nai, Ritma nai, Rimon Perez nai, Libna nai, Risa nai, Kehelatha nai, Shefer King nai, Harada nai, Makhelot nai, Tahat nai, Tera nai, Mitka nai, Hasmona nai, Moserot nai, Bene Jaakan nai, Hor Hagidgad nai, Jothatha nai, Abrona nai, Eziongeber nai, Zin liutsa nai (Nung Kades nai) naiuso Hor King nai, Edom goumchi athum nai noiküla.

38-39Apaou nou thoiluttsün ko meson Aron Hor King ai sungh. Israel haiüh Ijip goumchi wankü khuküta pon aopüle, alei pungo ajekhaiu ve ayalonyi nouko Aron achetpon 123 ngoitsün taoko Hor King ai ean.

40Ajepekki nai noitsün Arod nokpaoüh Israelhai shitsün lula.

41-49Hor King ainou Moab tsamei saokü Israel haiüh nung athang nouso ko ngüso saothang shan: Zalmana nai, Punon nai, Obad nai, Moab goh ai, Abarim lotheantsün thang nai, Dibon nai, Gad nai, Almon Diplathaim nai, Nebo King shimkü Abarim King nouso ko, naiuso Yeriko ainou Yordan Haiu yankü Moab tsami nouso nai, (nung Bet Jeshimot naiuso Akacia tsamei jetko.)

Yordan Moyankün khako Ayamhan nouso

50Yeriko ainou Yordan yankü Moab tsamei nai Apaou nou Mosa hau 51Israelhai thaiutha ayamhan nouso kium: “Tilai asam Yordan yanküta Kanan goumchi ai nappe, 52asamüh nung goumchi ko kihtsünso apem komanao noin. Ngüso ün lung naiuso son goa sotsom nouso naiuso amkham thang apem lülothean. 53Nung goh nou lüthalo, küta nungko lükih, tiautenai nung ngo asam hau kiuji. 54Goh nou kau naiuso pothso nouko phongdetsün tsangkü lüjanthat, haoson asong nou kau asong hau lükiu, naiuso ehen nou kau ehen hau lükiu. 55Lüko asamüh nungko kihtsünso tsükom- ankü naito, apoitaiu nouso asam niovei nai satpho napkü angja- kiutsünli noi-e, naiuso asam tsoki nai tsaoüh laptsünli noi-e, naiuso ngüso asam thako nokmei tsünoi-e. 56Asamüh ngüso tsükomankü naito, ngo ngüso lomoau yangtaiutsünli ngo asam lomo-e.”

ASIO THSAMLAI

©2005 Bible Society of India

More Info | Version Index