Search form

ฟีเลโมน int

เปาโล​เป๋น​ผู้​เขียน​จดหมาย​ฉบับ​นี้​ไป​เถิง​เปื้อน​จื้อ​ฟีเลโมน เซิ่ง​เป๋น​จดหมาย​ส่วน​ตั๋ว​เถิง​ฟีเลโมน ต้าน​ได้​เขียน​ขึ้น​ประมาณ​ปี๋ ค.ศ. 60

เปาโล​เขียน​จดหมาย​ฉบับ​นี้​ต๋อน​ตี้​ต้าน​ติด​คอก​อยู่​ใน​กรุง​โรม ฟีเลโมน​อยู่​ตี้​เมือง​โคโลสี เป๋น​คน​ร่ำรวย เขา​มี​ขี้ข้า​หลาย​คน ขี้ข้า​คน​นึ่ง​ตี้​จื้อ​โอเนสิมัส ได้​หนี​ไป​กรุง​โรม แล้ว​ได้​ฮู้จัก​กับ​เปาโล เปาโล​ได้​บอก​ข่าวดี​หื้อ​โอเนสิมัส​ฟัง แล้ว​โอเนสิมัส​ก็​ได้ฮับ​เจื้อ เปาโล​เลย​เขียน​จดหมาย​ไป​เถิง​ฟีเลโมน เปื้อ​ขอ​หื้อ​เขา​ฮับ​โอเนสิมัส​คืน​มา​เปื้อ​จะ​เป๋น​ปี้น้อง​ใน​พระคริสต์ จื้อ​โอเนสิมัส​นั้น​มี​ความหมาย​ว่า มี​ประโยชน์ เปาโล​ได้​เล่น​กำ​กับ​ความหมาย​ของ​จื้อ​โอเนสิมัส​ใน​จดหมาย​ฉบับ​นี้ เปาโล​บอก​ว่า โอเนสิมัส​คน​นี้​จะ​มี​ประโยชน์​ต่อ​เปาโล​กับ​ฟีเลโมน

ใน​เนื้อหา​จดหมาย​เปาโล​บ่ได้​เขียน​บอก​ว่า ก๋าน​มี​ขี้ข้า​บ่ใจ้​เป๋น​สิ่ง​บ่ดี แต่​ได้​ขอ​หื้อ​เปื้อน​ฟีเลโมน​เยียะ​ตั๋ว​ต่อ​โอเนสิมัส​หื้อ​เป๋น​เหมือน​ปี้น้อง​ใน​พระคริสต์ คน​อื่นๆ ตี้​อ่าน​จดหมาย​ฉบับ​นี้​เลย​สามารถ​ตี้​จะ​เฮียน​ฮู้​เกี่ยว​กับ​สิ่ง​ตี้​ควร​เยียะ​ต่อ​ขี้ข้า​ของ​หมู่​เขา หมู่​เขา​ควร​ตี้​จะ​มี​ความ​เมตต๋า​กรุณา​ต่อ​ขี้ข้า ก๋าน​มี​ขี้ข้า​บ่ได้​เป๋น​สิ่ง​ผิด​กฎหมาย​ใน​อาณาจักร​โรม​สมัย​นั้น