Search form

EKISODO 15

Sereto sa Baisiraele, Mara, Elima

1Mohla woo Moshe le Baisiraele ba binetše Morena koša ba re: A nke ke binele Morena, ka gobane o tsogile a phagama. Dipitsi, le banamedi ba tšona, o di lahletše lewatleng, 2Maatla a ka, koša ya ka, ke Morena Monamodi wa ka. Modimo wa ka ke yena; a nke ke mo rete, Modimo wa botate; a nke ke mo tlotle, 3Morena Mogale dintweng, mong wa ina leo la “Morena”! 4Makoloi a Farao le dira tša gagwe, o di wetša lewatleng; bahlabani ba bagale bagwe o ba tekišitše kua Lehlakawatle. 5Ba ribegetšwa ke mafula, ba sobela wa matlapa madibeng. 6Morena, letsogo la gago le taga ka maatla a lona; Morena, letsogo la gago le roba manaba. 7Barumodi ba gago o ba uša ka bogolo o phagame; O tuka bogale wa ba fiša bjalo ka mahlaka. 8Wa budula o befetšwe, meetse a kubuga, Mafula a itlhopha wa maboto, Mola o rethile gara watle. 9Lenaba la re: Ke a hlomarela, ke a swara! Ke tlo abaganya dithebola, ka gora ka bona. A nke ke khwamole tšhoša, atla sa ka se ba fetše. 10Mme wena wa fo buša moya, watle la ba tšea; ba teka wa morodu, ba ile le bodiba bjo bogolo. 11Morena, mo go medimo moetšawena ke mang? Moetšawena Moithlama ka bokgethwa? Wa go retwa ka ditšhošabatho, Modiramatete. 12O emišitše tsogo le letona, mme lefase la ba metša. 13Gomme setšhaba sa baphološwa ba gago, o se etetša ka botho, ka maatla a gago o se iša kua felo gokgethwa ga gago. 14Ditšhaba di a di kwa, mme tša roromela; Go hlakgasela go wela ba la Filisita; 15Kgošana tša Edomo bjale di tlaletšwe; Bagale ba Moaba ba swerwe ke go thothomela; Beng ba la Kanana bohle ba nolega moko; 16Ba welwa ke dikgakanego le tlalelo; Ba hloka molomo ba bone bogolo bja atla sa gago; Go be go fete tšhaba sa gago, Morena; Go be go fete setšhaba sa baruiwa ba gago. 17O tlo ba goroša, o tlo ba hloma thabeng tša naga ya gago, Felo mo wena Morena o tlogo aga gona, Sekgethweng se wena Mong a rena o tlogo se thea ka atla sa gago. 18Kgoši neng le neng, ka mehla le mehla, ke yena Morena.

19Ba itšalo ka gobane dipitsi tša Farao, le dikoloi tša gagwe, le banamedi ba tšona, ba be ba tsene lewatleng, mme Morena a gomiša meetse a lewatle a ba wela godimo, mola Baisiraele ba tšhetše lewatle ba gata mo go omilego.

20Bjale Miriama, kgaetšedi ya Arone, e a bego a le moporofeta, a swara moropa ka seatla, mme basadi ka moka ba tšwa nae ba swere meropa ba bina. 21Miriama a ba hlabelela koša a re: Binelang Morena koša, ka gobane o tsogile a phagama; Dipitsi le banamedi ba tšona, o di lahletše watleng.

22Gona moo Lewatleng la Mahlaka Moshe o tsogile le Baisiraele, mme ba tšwela lešokeng la Suri; ba sepela matšatši a mararo, ba se ke ba hwetša meetse. 23Ge ba fihla Mara, ba šitwa go nwa meetse a Mara, ka gobane a be a galaka. Leina la felo fao ge e le “Mara,” le ra go galaka. 24Setšhaba sa ngangana le Moshe sa re: Re tlo nwa eng? 25Moshe a hlabošetša Morena lentšu; mme Morena a mo laetša sehlare. Moshe a se lahlela meetseng, mme a ba bose. Gona moo o ba beetše molao le mokgwa; o ba lekile gona moo, 26a re: Ge o theetša ruri se Morena Modimo wa gago a se bolelago, ge o dira tše yena a bonago di lokile, ge o kwešiša melao ya gagwe mme o hlokomela ditaelo tša gagwe ka moka, gona nka se ke ka go tlišetša le bjo botee bja malwetši ale ke a tlišeditšego Baegipita; ka gobane ke nna Morena Moreku wa gago.

27Ba fihla Elima. Gona moo go na le didiba tše lesome le metšo e mebedi, le dihlare tša melala tše masome a šupago. Mme ba bokana gona moo meetseng.

BIBELE

© 1951, 1986 Bible Society of South Africa. Used by permission. All rights reserved.

More Info | Version Index