Search form

Sam 12

Sam Kranzpnu-esz'-nrade-li (12)

Da Kxtrka Mz Nrlc Tulvzo

Nabz ne Devet kx yrbzle mz kxrmailz ngr dzbe kxnzngrng.

1Yawe, okatrp ninge murde trpengr mrlx kxtubq kx mnc mzli ka.

Murde mz nrlc tulvzo leplz kxnzmrlzng nzayrkrtxtrpeng.

2Leplz amrlx mz nrlc nzapokiati-lzbqng.

Nzalqngitilr nzycmnengr mz drtwr kx xlva.

3Rlxtibo bam nzaesaki-krm natq leplz kxnzpokiang,

X odati nidr mz nzglqpx-lzbq-krdr.

4Murde nzrpilr kx, “Naogr nalctwz txpwz mz nztwz-krgr da kx suti drtwrgr.

X trpnzngr kx naetum bagr.”

5A' Yawe rpile kx, “Mcpex nzaetq-ngrbz drtq kxnzkxpung,

X nztangqgxkr kxnzmwati drtwrng.

Delc na-arlapxx nidr mzli ka.

Da kc tqwai nzsutikr drtwrdr le.”

6Yawe, abrtrpzkr drtwrgr mz natqm lcng, tqtubq tqlq.

Murde nzopx-krdr apule silvz kc tzayrleni-ebirngr mz nyr.

7-8Kxmule-esz' leplz lcng trmya-ngru drtqdr nzglqpx-lzbq-krdr,

X nzrglqlz-krdr da kxtrka mz nrlc tulvzo,

A' lxngitikr kx sa na-aclve-zpwxq nigr,

X sa na-arlapx-zvzbzme nigr mz mq leplz lcng tzdrka'ngr.

Nzryrngrkxtr Kc Ate Rut x Sam

© 2008 Wycliffe Bible Translators, Inc.

More Info | Version Index