Search form

Sam 124

Sam Kratrtqki-esz'-nzpnu-li-nrade-pwx (124)

Yawe Arlapxle Leplz Nedeng

Nabz ne Devet kx nzngrnelzngr Jerusalem mz nzangiongr.

1Nigu lr Israel nakrlz-angidrku

Kx Yawe ngi-te-zvzku badr mz nzotangr.

2X mz nzngi-te-zvz-krgu badr

Mzli kc enqmi rgung nzrpilr na-atrkati-ngrdr nigu,

3Rblxbz badr nzmilxtxo-krdr nigu

Mz nzngyati-zlwzkr drtwrdr nigu.

4-5X trnznibqlru nigu mz nzapu-krdr srkau kx mrilvzole nigu.

X nrc kxetu ngr srkau lc trabooleu nigu.

6Delc na-awi-ngrbzku mz Yawe

Mz trnzrlr-krpwzleu nigu mz mq enqmi rgung.

7Mzli lc sc tqapupeku utc mz nzdwapx-krmgu mz br sc kxnzmwang,

X drtqgu opxpe murde Yawe pingebzle br scdr.

8Yawe nide Kxrpalz kc tqwz-ngrde bongavz x drtc',

X Mevalu kc tqokatrle nigu, mz zmatq drtqde.

Nzryrngrkxtr Kc Ate Rut x Sam

© 2008 Wycliffe Bible Translators, Inc.

More Info | Version Index